Një ngjarje tragjike ka ndodhur mëngjesin e sotëm në provincën e Altamura në Bari të Italisë. Shqiptari Kreshnik Gockaj, 28 vjeç, ndërroi jetë duke punuar në ndërtim, në një kompani betoni. Mësohet se i riu është rrëzuar dhe goditur nga një makinë që thyente gurët.
Edhe pse ndërhyrja për ti ardhur në ndihmë ishte e menjëhershme, i riu nuk ka mundur tu mbijetojë plagëve. Autoritetet italiane janë duke punuar për zbardhjen e plotë të shkaqeve dhe rrethanave të aksidentit tragjik.