Prej dy javësh ka nisur faza e parë e festivalit të njohur “Kënga Magjike”dhe kjo do të thotë, siç është bërë traditë, artistët Big dhe të rinj kanë nisur të prezantojnë krijimet e tyre çdo të dielë në studion e “E Diela Shqiptare.”
Njëri prej konkurentëve të Kënga Magjike 2019 është dhe Korab Shaqiri, artisti i cili është prezantuar si pjesmarrës në festival me këngën “Fenomen”. Deri këtu çdo gjë është në rregull dhe performance e Korabit ishte e mirë. Megjithatë konkurimi i këngëtarit mund të vihet në dyshim, sepse një ndjekëse në rrjetet sociale e festivalit ka vënë re se “Fenomen” është shume e ngjashme me këngën “Kilometri” nga artisti i njohur maqedonas, Vlatko Lozanovsi.