Në kohën kur e gjithë bota po përjeton një situatë të pazakontë me emergjencën koronavirus, me pandeminë që po përhapet me shpejtësi, rruga e vetme për ta frenuar është të qendrojmë në shtëpi, duke minimizuar lëvizjet, në mënyrë që të izolohet edhe virusi. Këtë mesazh sensibilizues kanë dashur të japin futbollistët e kombëtares, për të gjithë shqiptarët kudo që ata ndodhen.
Një mesazh sensibilizues ka bërë bashkë vajzat e kombëtares së futbollit, që kanë këshilluar qëndrimin në shtëpi, si mënyrën më të mirë për tiu kundërpërgjigjur virusit, duke sugjeruar se duhet të ndjekim rregullat e organizatave të shëndetit për të mirën tonë, familjarëve dhe gjithë komunitetit që na rrethon.
Edhe Federata e Futbollit në këto ditë të vështira, i bën thirrje të gjithë opinionit publik për të respektuar rregullat dhe për të qëndruar në shtëpi. Vetëm kështu mund të mbrojmë sëbashku jetën dhe të kalojmë këtë situatë.