Kanë kaluar tashmë 21 vjet nga një celebrim goli që sot përkujtohet si më provokuesja e historisë së futbollit, ajo e Robbie Fowler në Liverpool-Everton të prillit 1999, për javën e 31 të Premier League. Derbi vlente shumë më tepër për Toffees, të përfshirë në luftën për të mos u rrëzuar, ndërsa nga ana tjetër e Mersey, Reds kishin luajtur një sezon anonim e në kampionat mund të merrnin maksimumi vendin e pestë.
Fatkeqësisht për Everton, që në mbrojtje kishte edhe Marco Materazzi, ajo ditë me diell në Anfield Road ishte një nga ato në të cilën “God” nuk ishte i markueshëm. Avantazhin e Everton me golin e Olivier Dacourt, anglezi e përmbys me një dygolësh, duke udhëhequr fitoren 3-2 të Reds. Por festimi i sulmuesit në golin e 1-1 u fut në histori: Fowler shkoi drejt sektorit të tifozëve të Everton e imitoi thithjen e vijës së bardhë fundore, si përgjigje e zërave përpara ndeshjes sipas të cilave ishte konsumues i kocainës. Polemikat plasën jo vetëm në botën e futbollit, por edhe brenda shoqërisë angleze, me shoqatat antidrogë që u tërbuan. Sulmuesi kërkoi ndjesë me një komunikatë, por Federata e skualifikoi për 6 ndeshje.
Festimi i Fowler nuk ka qenë i vetmi që shkaktoi skandal. Bashkombasi i tij Paul Gascoigne, u bë protagonist në 1998, gjatë Old Firm të Glasgow, kur si lojtar i Rangers provocoi tifozët e Celtic duke bërë gjestin e flautit, instrumenti që luan cdo vit në bandat orangiste protestante për të celebruar fitoren e Guglielmo d’Orange në 1690.
Në Itali është një kandidat i denjë për podiumin: brirët e Enzo Maresca për të provokuar tifozët e Torinos në derbin e qyteti (2002), ose festimi politik i Paolo Di Canio (i skualifikuar në 2006 për përshëndetjen romane në sektorin lacial). Për festimet e guximshme, e fundit është ajo e danezit Nicklas Bendtner, që në Euro 2012, pas një goli kundër Portugalisë, uli pantallonat për të treguar mbathjet që sponsorizonin një faqe bastesh.
