Ndërsa e ardhmja e tij mbetet një rebus, Zlatan Ibrahimovic vazhdon të zbavitet me mesazhe të kriptuara, që i poston në rrjetet sociale, me dëshirën për ti treguar dicka dikujt, por pa dashur të dalë hapur… akoma. Në fillim një citim elokuent “nëse nuk të pëlqen të luash me një fitues, mos e bëj”, menjëherë kur nisi stërvitjen me Milan në Milanello, pastaj thumbi për Italinë, duke vlerësuar rinisjen e Bundesligës (“Ata thonë, ata bëjnë”), e në fund, fytyra gjysëm e tij e gjysëm e Joker: “Gjysëm Zot e gjysëm Djall”. Në stilin ekzakt të Ibrahimovic e në sintoni totale me një moment suspance mes një të tashme të sigurtë e një të ardhme për të cilën nuk dihet asgjë.