Një mesazh dashurie me ngjyra të forta zikaltër vjen nga Kina. Presidenti Steven Zhang në rrjetet sociale ka postuar një foto në Instagram, ku duket kompjuteri mbi tavolinë e në ekran rezultati final i i Inter-Torino i dukshëm.
“Ja vlejti pritja”, është mesazhi i Steven. E gjitha ka lidhje me orën që në Kinë ishte 6.29 e mëngjesit në përfundim të ndeshjes, por që numri 1 zikaltër nuk ka dashur ta humbasë takimin që e riktheu Inter në vendin e dytë në klasifikim. Skuadra këtë herë nuk e tradhëtoi dhe ky ishte një sinjal i fortë nga ana e drejtuesve, sidomos pas polemikave të javëve të fundit.