Në Itali janë 32.961 raste të reja me koronavirus nga 225.640 tampon të bëra. Në 24 orët e fundit janë regjistruar 623 viktima(teksa të martën ishin 580), në një total viktimash që shkon në 42.953.
Në terapi intensive janë të shtruar 3081 pacientë (110 vetëm sot).
Rajoni më i goditur mbetet Lombardia me 9180. Gjithsej që nga fillimi i pandemisë janë 1.028.424.
Pacientët e shtruar në repartet Covid janë gjithsej 29.444, 811 më shumë se dje. Është kaluar kështu numri maksimal i 4 prillit me 29.010 të shtruar. Më shumë se 500 mijë janë personat e karantinuar në ambientet familjare.
Në 24 orët e fundit janë regjistruar edhe 9090 të shëruar. Aktualisht persona pozitiv janë 613.358. Raporti i personave pozitiv dhe testeve është 14,6%, me një rritje 1,5 në krahasim me të martën.