Është zbardhur identiteti i personit që u qëllua këtë mbrëmje në qendër të Rrëshenit. Ai është Anton Keli. Sipas burimeve nga terreni, Keli është nipi i Tonin Gjinit. Këtij të fundit iu bë atentat dy muaj më parë në Tiranë, ku iu vendos një sasi eksplozivi në makinë. Shpërthim që ndodhi pranë urës së Selitës, ku edhe mbeti i plagosur rëndë.
Mesohet se në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes. Shërbimet e Policisë të D.V.P. Lezhë, të Komisariatit të Policisë Mirditë dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.