I kishte përcaktuar qëllimet e tij edhe publikisht përmes mediave sociale, tani Neymar përsërit dëshirat e tij për të ardhmen dhe rrëfen veten në një mënyrë edhe më të detajuar në një intervistë të bukur me Sportsmail në të cilën braziliani gjithashtu përqendrohet në të ardhmen e tij, mënyrën e jetesës dhe më shumë në përgjithësi mbi atë të një futbollisti profesionist.
Ylli i Paris Saint-Germain foli për jetën e tij si futbollist, objektivat e tij dhe çfarë e shtyn atë të kërkojë suksese të reja: “Nuk janë humbjet ato që më motivojnë të bëj më mirë, por fitoret”, shpjegoi Neymar. “Jam i motivuar nga sukseset që kam patur në karrierë dhe nga dëshira për ti përsëritur. Unë e di se çfarë do të thotë të fitosh një Ligë të Kampionëve dhe jam i bindur që do të arrij përsëri në finale me PSG-në. Në të njëjtën kohë dua të fitoj kampionatin botëror me Brazilin “.
Në lidhje me mundësinë për ta parë atë një ditë ndoshta në Premier League: “Unë arrij të shikoj shumë ndeshje në ligën angleze, duhet të them të vërtetën. Por kam dëgjuar se ka shumë faulle dhe kontraste tepër fizike. Le të themi që ato të Ligue 1 më mjaftojnë, e cila është po aq fizike ”. Dhe përsëri: “Më pëlqen Londra. Është një nga qytetet që dua më shumë në botë për kulturën e tij, por nuk mund të them me siguri se do të shkoja dhe do të jetoja atje “.
Shpesh i kritikuar për disa sjellje jashtë fushe, dhe së fundmi për “festat e tij të mëdha”, Neymar theksoi: “Nëse ne futbollistët do të mendonim vetëm për profesionin tonë, nuk do tia dilnim, do të çmendeshim. Duhet të kemi kohë që të argëtohemi dhe të mendojmë për tema të tjera, si gjithë të tjerët. Është e natyrshme, kështu funksionon bota. Të gjithë kanë nevojë për argëtim edhe ne futbollistët gjithashtu. Sigurisht, ne nuk mund të bëjmë gjëra të caktuara që mund ta vënë trupin tonë në rrezik, por kemi të drejtë të mendojmë për gjëra të tjera ”.
Në fund, një mendim për të ardhmen që shqetëson gjithashtu shumë tifozë dhe mbështetës: “Pandemia Covid ka ndryshuar shumë gjëra. Na detyroi të mendojmë ndryshe. Mezi pres të jem në gjendje të përqafoj përsëri të gjithë si më parë ”.