Hashtagu #RespectShakira (Respektoni Shakira-n) filloi të ishte trending në Twitter pasi u përhapën në internet fotot e banderolave drejtuar këngëtares 44-vjeçare.
Sipas fotografive të shpërndara në rrjetet sociale, një nga banderolat shkruante “Shakira a La Jonquera”. La Jonquera, një komunë e ndodhur në kufirin e Francës dhe Spanjës, sipas një artikulli të New York Times, njihet se ka “një nga bordellot më të mëdha në Europë”.
Kjo nuk ishte hera e parë që Shakira është në shënjestër. Në vitin 2012, u përhapën foto të tifozëve që kalonin rreth një kukulle të zhveshur me emrin “Shakira” të shkruar në pjesën e pasme pasi Real Madrid fitoi kampionatin spanjoll.