Një lajm i bujshëm mbërrin nga Spanja dhe ka të bëjë me të ardhmen e Erling Haaland. Menaxheri i tij Mino Raiola dhe babai i sulmuesit të Borussia Dortmund kanë zbritur në mëngjes në terminalin e fluturimeve private të aeroportit El Prat të Barcelonës dhe më pas u morën nga shoferi dhe oficeri i sigurisë i Presidentit Joan Laporta. Kjo është raportuar nga ‘Mundo Deportivo’ dhe ‘Sport’ në edicionin e tyre në internet. Norvegjezi është një synim i klubit blaugrana në merkato, por jo vetëm. Për të ka gjithashtu interes të fortë të Real Madrid.
Barcelona, në këtë mënyrë, insiston për Haaland, në tentativë të kapërcejë konkurrencën e Real Madrid por jo vetëm. Ditët e fundit, përsëri nga Spanja, klubi Blanco konsiderohej me një avantazh të qartë në garën për sulmuesin e Borussia Dortmund: madje sipas mediave iberike e kishte siguruar tashmë 19 vjecarin për një shifër afër 140 milion euro. Për ti bërë gjërat më të qarta, Raiola ka folur ditët e fundit me drejtuesit e klubit gjerman të Dortmund, me të cilin lojtari ka një kontratë deri më 30 qershor 2024.