Në Estadio la Cartuja në Sevilje, Barcelona merr në shtëpi Kupën e 31-të të Mbretit në histori: katalanasit mundën Athletic Bilbao 4-0 në finale dhe u hakmorrën për humbjen e tyre në Superkupën Spanjolle. Pjesë e parë e ngjyrosur krejtësisht Blaugrana. Pastaj ndeshja u vendos në pjesën e dytë: në të 60′ Griezmann dërgoi në rrjetë krosimin e De Jong nga e djathta, hollandezi vetë dyfishoi me kokë në minutën e 63, përpara dygolëshit mes të 68′ dhe 72′ nga Messi, autori i një magjie të vërtetë.
Vetëm dy javë pas finales së edicionit 2019-2020, Athletic Bilbao humbet edhe trofeun e sezonit aktual, me rezultatin e mbrëmjes së sotme që është dukshëm më i rëndë se ai ndaj Real Sociedad 1-0. Për baskët, mallkimi i Kupës së Mbretit vazhdon të mbahet që nga viti 1984. Në minutën e 5 një aksion i shkëlqyer i katalanasive përfundon me një goditje të De Jong që përfundon në shtyllë, në të djathtë të Unai Simon. Një pjesë e parë në përgjithësi vuajtje për Athletic, që u vu nën presionin asfiksues nga ekipi i Koeman. Dest provoi me një diagonale që shkoi ngjitur me shtyllën, por Bilbao i shkoi afër 1-0 me Iñigo Martinez që nuk gjeti pasqyrën e portës për punë centimetrash.
Pjesa e dytë nuk mund të bënte asgjë tjetër përveç konkretizimit të dominimit absolut të katalanasve. Në minutën e 48, Messi shërbeu për Dest në të djathtë, krosimi i tij ishte për Griezmann, që u ndal nga portieri kundërshtar me këmbën e majtë. Unai Simon konfirmon veten super në më pak se një minutë: fillimisht në goditjen e Pedri e më pas ndaj Busquets. Në minutën e 60′ fortesa e Athletic u rrëzua: një trekëndësh mes Messi, De Jong dhe Griezmann, që depozitoi në rrjetë krosimin e hollandezit. Ndeshja e jashtëzakonshme e De Jong u vulos në minutën e 63: krosim i përpiktë i Jordi Alba dhe numri 21 e përplase topin në tokë me kokë përpara se ta cojë në rrjetë. Mungonte vetëm firma e Messi e nuk vonoi gjatë: argjentinasi kalon Núñez dhe Iñigo Martinez, spostoi topin në të majtë dhe e la Unai Simon të palëvizur. 3-0 në minutën e 68. Pleshti nuk është i kënaqur me këtë perlë dhe pas 4 minutash ai shënon dygolëshin e tij personal me një goditje të ulët në shtyllën e afërt, në spondin e Jordi Alba. Koeman merr kështu trofeun e tij të parë në stolin e Barcelonës, me klubin blaugrana që fitoi Kupën e Mbretit për herë të 31, duke u hakmarrë edhe për humbjen e Superkupës së Spanjës në janar, pikërisht ndaj Bilbaos.