Ekspertët mjeko-ligjor kanë përcaktuar shkakun e vdekjes së tre familjarëve nga Gjilani që kishin ardhur me pushime në Tiranë. Nga kqyrja paraprake e trupit mjekët kanë përcaktuar se shkak i humbjes së jetës ka qenë helmimi.
Tre familjarët po qëndronin në një resort në Gjirin e Lalzit dhe pas konsumimit të disa kërpudhave të gatuara në shtëpi ata kanë shfaqur shenja helmimi. Menjëherë ata i janë drejtuar qendrës shëndetësore të Manzës dhe më pas janë dërguar me urgjencë në QSUT. Pavarësisht ndërhyrjes së mjekëve, të tre: Elfete, Afrim dhe Ferzinaze Haliti kanë humbur jetën. Ndërkohë kujtojmë se janë proceduar penalisht mjekët që i trajtuan.