Ministria e Shëndetësisë raporton se gjatë 24 orëve të fundit e kanë humbur betejën me Covid-19 edhe pesë të infektuar, duke e çuar në 2548 numrin e viktimave që nga fillimi i pandemisë.
Sipas MSH, në këto 24 orë kanë rezultuar pozitivë 410 qytetarë, ndërsa janë shëruar 552 qytetarë, duke e çuar numrin e të shëruarve në 142,269.
Sa i përket situatës në spital, MSH thekson se “Aktualisht në Spitalet COVID po marrin trajtim 195 pacientë, nga të cilët 15 janë në gjendje më të rënduar”.