Asnjë fitore në pesë ndeshje e katër gola të shënuar në këto javë për një fillim katastrofik në këndvështrimin e objektivit titull. Partizani është në vështirësi, ka bërë startin më të keq të sezonit, që kur është kthyer në Superiore, vuan para portës me një mesatare 0.8 gola për ndeshje e nuk ka diversitet për të ndryshuar lojën, kur gjërat bëhen të komplikuara. E gjitha kjo, e pranuar edhe nga tekniku Daja pas barazimit me Kukësin, sepse ai që duhet të ishte fanari ndricues e katalizatori i lojës së të kuqve, Ergys Kace, është jashtë forme.
I ardhur si lojtari që duhet të bëjë diferencën, tek ai është përqendruar e gjithë manovra, por pavarësisht casteve kualitative që një element i kalibrit të tij shfaq, në pjesën më të madhe të rasteve inspirimi për sulmuesit mungon. Këtu natyrisht nuk shpëtojnë të tjerët, që po ja bëjnë më të vështirë Kaces të plotësojë hendikapin fizik, që për momentin shfaq, por sa për të bërë llogaritë e sfidës me Kukësin, ku rastet ishin të përmbledhura në gishtat e njërës dorë, lojtari coi dëm një pjesë loje dhe e detyroi teknikun të ndryshojë sistem, sepse ai nuk arrinte të mbulonte pjesën e duhur të fushës i kondicionuar nga forma fizike.
Të kuqtë kanë nevojë për Kacen më të mirë, por këtë për momentin nuk e kanë. Mesfushori nuk është lojtari i vetëm i skuadrës, por me një grup të ndryshuar e për atë që përfaqëson, pikërisht ai duhet të ishte njeriu që të merrte për dore skuadrën e për ta nxjerrë nga tuneli ku është futur. Deri tani asnjë fitore e në prag mbërrin derbi me Tiranën, ku Kace e Daja mbajnë shpresën se do të jetë dalja…