Ka nga ata që mendojnë për një rastësi të pabesueshme, nga ata që besojnë te fati: fakti është se në ditën kur Diego Armando Maradona do të kishte mbushur 61 vjeç, Boca Juniors (skuadra e tij e preferuar) dhe Gimnasia La Plata (skuadra e tij e fundit, si trajner ) sfiduan njëri-tjetrin në kampionatin argjentinas, duke i dhënë jetë një ndeshjeje që shkoi shumë përtej rezultatit. Në veçanti, Bombonera u kap pas kujtimit të heroit të saj në minutën e 10′ (numër i zgjedhur jo rastësisht…) të pjesës së parë, kur arbitri ndërpreu ndeshjen për të nisur homazhet për Pibe de Oro.
Fanella, dedikime, foto gjigante, tullumbace, pankarta, kore dhe lot. Mbi të gjitha lot. Ashtu si ato të derdhura nga vajza e madhe, Dalma, e cila nga dhoma private e stadiumit që i përkiste Maradonës ka ekspozuar bluzën “Drejtësi për Diegon”, duke kujtuar betejën që familja po bën për të kuptuar nëse ka ndonjë faj në vdekjen e tij.
Dy skuadrat zbritën në fushë të veshur me një fanellë speciale me mbishkrimin “10”, ndërsa Carlos Izquierdoz, kapiteni i Bocas, i dorëzoi një fanellë dhe një pllakë përkujtimore Dalmës.
