Diego Armando Maradona Junior, i ftuar në Verissimo, hodhi akuza të rënda për vdekjen e babait të tij. Pas më shumë se tre vitesh nga ndarja nga jeta e legjendës argjentinase, Diego Jr u kujtua të ‘bërtasë’ për vrasje.
Dje në emisionin Verissimo në Canale 5, ishte i ftuar djali i Maradonës. Diego Jr u fut direkt në temë dhe pa lojëra fjalësh tha, në lidhje me vdekjen e babait të tij në nëntor 2020: “Jam i bindur që nuk duhej të përfundonte kështu. E vranë, jam i sigurt. Nuk është puna ime të them kush e bëri në këtë moment. E kam një ide, por po e mbaj për vete. Por jam i sigurt që babi mund të kishte shpëtuar. E lanë në fatin e tij kur në vend të kësaj mund të ishte bërë diçka”.
Messi & Maradona dey one team and you wan beat them as how nah?? pic.twitter.com/BGtNNrhBO5
— CHEEBOI 🇦🇷 (@jock_bail) January 12, 2024
DIEGO JR KËRKON DREJTËSI PËR MARADONËN
Vdekja e babait nuk është tretur ende nga djali i tij, i cili nuk ka mundur të jetë pranë tij ditët e fundit për shkak të pozitivitetit me Covid dhe shtrimit në spital të mëvonshëm: “Nuk e kam pranuar ende plotësisht këtë humbje dhe nuk e pranoj. Nuk mendoj se do ta pranoj ndonjëherë. Nuk ishte koha e duhur dhe nuk ishte e drejtë ta shihja të vdiste ashtu. Nuk ishte i drejtë fakti që nuk mund të shkoja në Argjentinë kur ai ishte i sëmurë”.
Diego Jr vazhdoi më tej: “Pak para se të vdiste, babai i ishte nënshtruar një operacioni në kokë. Një operacion i planifikuar prej disa kohësh, por asgjë serioze. Pas operacionit ai ishte mirë, duke qeshur dhe duke bërë shaka. Unë kam bërë një premtim: deri në ditën e fundit të jetës sime do të luftoj për të bërë drejtësi”.