Identiteti i dy viktimave në zonën e Astirit është zbardhur. Kështu mësohet se një nga viktimat është Erigers Mihasi, rreth 37 vjeç. Ai u gjet i vrarë brenda makinës tip ‘Audi’. Mësohet se Mihasi ka qenë person me precedent penal. Ndërkohë viktima e dytë e ngjarjes është Armando Dumani, gjithashtu person me precedent penalë.
Sipas informacioneve paraprake bëhet me dije se atentati ka qenë i mirëmenduar, ndërsa sulmi është kryer me kallashnikov. Plumbat kanë kapur automjetin në anën e pasagjerit duke shpuar tej për tej xhamin e automjetit. Policia punon për identifikimin dhe kapjen e autorëve teksa njofton se në hyrje dhe në dalje të Tiranës janë ngritur pika të shumta kontrolli.