Ulen temperaturat me të paktën 2°C duke zbritur deri -6°C gjatë mëngjesit në zonat malore, megjithatë moti vijon i kthjellët.
Edhe pjesa e dytë e ditës do të mbetet me kthjellime dhe vranësira kalimtare në vend, më të zhvilluara në skajet veri-verilindje, ku priten momente të shkurtra me flokë dëbore.
Temperaturat maksimale të ditës luhaten nga 2°C në zonat e thella deri 10°C në zonat bregdetare. Era do të fryjë e lehtë dhe mesatare nga drejtimi verilindor dhe verior gjatë gjithë ditës.