Tirana i është kthyer përgatitjeve me objektivin e qartë të merkatos, të paktën një qendërsulmues, por deri tani në këtë front gjërat nuk duken premtuese. Tekniku, Orges Shehi, vazhdon të studiojë profile sulmuesish, por gjërat kanë mbetur pezull, sepse asnjë nga lojtarët e ofruar nuk ka bindur bardheblutë. Në janar është vështirë të gjendet lojtari që të bëjë diferencën, por Shehi ka nevojë të zëvendësojë Ngo’o të dëmtuar dhe ashtu si insiston nuk ka “ndërmend të zgjedhë sulmues me ‘youtube’”.
Futbolli afrikan ka më shumë prurje në këtë moment, por edhe skepticizmi për këta futbollistë dhe gjendjen e tyre është po kaq present. Në anën tjetër pista ballkanase, që preferohet nga tekniku sjell lojtarë me moshën mbi 30, gjë që nuk inkuadron me identikitin që kërkon klubi. Kjo është situata që ka bllokuar merkaton e kryeqytetasve, krejtësisht e hapur për të përforcuar skuadrën me elementët e duhur.
Në fakt, janë dy lojtarët që Shehi do të preferonte për ti shtuar organikës së tij, për momentin me katër lojtarë në total, dy nga të cilët të rinj e që nuk mund të mbajnë peshën e një skuadre të lëshuar drejt titullit kampion, ndërsa vetë bardheblutë mohojnë të ketë një interesim për të rikthyer Abazajn në Superiore. Emri i parë në listën e dëshirave të verës, nuk përmbush nevojat e skuadrës në këtë pikë të sezonit dhe përpara statusit, Shehi kërkon një skuadër fituese…