• |
ide | kryesore

“Nuk e shes besën e babës”/ Zbardhen mesazhet e 17-vjeçarit që vrau fqinjin në Lezhë

Arkiva, Lajme, Të fundit

Zbulohen detaje të reja se si 17-vjeçari Florian Përvathi e kishte rrënjosur prej kohësh dëshirën e tij për hakmarrje për vrasjen e babait të tij. Ngjarja ndodhi në 2009-ën kur ai ishte vetëm 4 vjeç dhe babai i tij Gjon Përvathi u vra në derë të shtëpisë nga fqinji i tyre Ndue Lekgjonaj pas një sherri banal për bllokimin e rrugës.

Në tentativë për t’u larguar Lekgjonaj aksidenti me makinë edhe vëllain e Florianit. Tragjedia u bë edhe më thellë pasi nëna e tij kur pa bashkëshortin e vrarë dhe djalin e aksidentuar helmoi veten. Floriani u rrit jetim nga gjyshërit, por nëse sheh rrjetet e tij sociale duket se janë të mbushura me citime për një hakmarrje që ziente.


Autori iu fut në oborrin e shtëpisë! Kjo është arma që u përdor për vrasjen  në Lezhë – Dosja AL
Arma e Florianit

Të hënën ai qëlloi me një pistoletë Lek Lekgjonajn, vëllain e personit që i kishte vrarë të atin. Më pas u dorëzua në polici duke u shprehur: “Unë e bëra. Ja ku më keni”.

“Mos u dorëzo kurrë, gjërat e mëdha kërkojnë kohë” – shkruante Floriani në rrjetet sociale ku shihen edhe pasionet e tij për muzikën dhe pikturën.

Ai publikonte edhe këngë të ndryshme, mesazhi i të cilave ishte si më poshtë:

“S’jam ai tipi që e pi. S’jam ai tipi që e shes besën që ia kam dhënë babës. Nuk e thej deri sa të vdes. E nëse vdes diku qaty në Mercedes se dreqi më tha në ondërr ke me vdek. I ri ia nisa t’u kesh thash moti e di kur des mos qaj. Po falendero Zotin që njëherë unë ekzistova”.

Në postimet e tjera i mituri shihet teksa udhëton me makinë dhe shfaqet në shoqërinë e miqve të tij.
Kryetari i misionit të pajtimit të gjaqeve në Lezhë, Pjetër Gjoka, tha se i njeh shumë mirë dy familjet.

“Disa media thonë se kanë qenë pajtuar. Jo nuk është e vërtetë. Ne kemi ndërhyrë me ato mundësi që kemi pasur, pasi s’ka pasur palë. Fëmijët ishin të vegjël, bashkëshortja u vetëvra dhe s’kishim me kë komunikonim. Pas 4-5 ditësh kur ndodhi ngjarja, më tha se çfarë të bëj unë; i thash ki kujdes se ngjarja është e rëndë.

I ndjeri më thoshte; skam faj, s’kam pse druaj. Por ç’e do, nuk funksione gjërat kështu. E kam takuar para nja dy muajsh. S’kishte shqetësim. Vëllai i viktimës së sotme, ka mbaruar dënimin, 4-5 vite burg. Ai ndodhet jashtë shtetit. S’kishte mundësi që të merrte kush përsipër që të bëhej pajtimi. Deri në moment që ndodhi, askush se ka pritur” – tha ai. ©LAPSI.al

5 Comments

  1. E tmerrshme. Nje djale i talentuar qe eshte i destinuar te bej 20+ vite burg per nje marrezi te kultures tone. Pa folur ketu per viktimen qe nuk ka asnje faj ne kete mes.

    Kjo shoqeri eshte 200 vite mbrapa dhe 50 vite anash sic thonte i madhi Fadil Hasa.

  2. Fqinji do të kishte ikur po ta dinte që do ta vrisje ti – njeri i pabesë!!!!
    Vrasësi i babait tënd është gjallë nëpër plazhet e australisë
    Vrave të pafajshëm idiot ashtu si vrasësi i babait tënd!

  3. Fqinji do të kishte ikur po ta dinte që do ta vrisje ti – njeri i pabesë!!!!
    Vrasësi i babait tënd është gjallë nëpër plazhet e australisë
    Vrave të pafajshëm idiot ashtu si vrasësi i babait tënd!!

  4. “Ai burri”….i paska vendose 20 vjet djalit vrases!?! Po vrasesi i babait te tij,na paska bere vetem 4-5 vjet burg,dhe na paska dale ne liri dhe qenka larguar,se e dinte ,qe kusurin,do e merrte ,prej hasmerise,qe vete e krijoi,per hic gje.Thellohu,more “Ai burri”,thellohu,su duhet t’a kesh mesuar,se defektet dhe “gjynahet” e drejtesise,qe kurre nuk jep drejtesi,natyra,i ploteson vete,me njerez te paster,qe nuk pranojne jo vetem papasterti,por sidomos,kur kerkohet te ndyhet edhe vete i pastri.Realisht,fajtori nuk u demtua,por vellai i tij,lau gjynahet edhe te vellait,por edhe te vetat,qe nuk mbajti qendrim,ndaj vepres se vrasjes ndaj babait,te djalit trim dhe besnik te gjakut te vet.

Lini një Përgjigje

Adresa juaj email s’do të bëhet publike.

Kthehu