Presidenti rus, Vladimir Putin ka urdhëruar hyrjen e trupave ushtarake në dy rajone në Ukrainën lindore, pasi i njohu ato si shtete të pavarura. Pamjet e publikuara gjatë natës duket se tregojnë automjete ushtarake ruse duke u nisur drejt kufirit ukrainas. Rusia tha se trupat do të ishin “paqeruajtëse” në rajonet e shkëputura, të cilat i ka mbështetur që nga viti 2014.
#Ukraine: Footage of #Russia’s military “peacekeepers” being bussed in to the Donbas across the border. This is essentially the beginning of the invasion. pic.twitter.com/7pUgkJrJzQ
— Jake Hanrahan (@Jake_Hanrahan) February 21, 2022
Por Shtetet e Bashkuara akuzuan Rusinë për krijimin e një preteksti për luftë. Presidenti i Ukrainës tha se vendi i tij “nuk kishte frikë nga asgjë dhe askush”. Në një fjalim televiziv mbrëmjen e 21 shkurt drejtuar kombit, presidenti Volodymyr Zelensky bëri thirrje për “veprime të qarta dhe efektive të mbështetjes” nga aleatët ndërkombëtarë të Ukrainës.