Barcelona dridhet por kalon 1/8 e Europa League. Katalanasit u imponuan 2-1 ndaj Galatasaray e, pas ndeshjes së parë 0-0, kaluan në çerekfinale. Turqit në avantazh në minutën e 28-të me Marcão, pësuan përmbysjen e Blaugranave me Pedri (37′) dhe Aubameyang (50′). Fitore e madhe e Atalantës në Leverkusen, Sporting Braga barazoi 1-1 në Monaco dhe u kualifikua pas një ndeshjeje të parë të fituar 2-0, Crvena Zvezda nuk i mjaftoi fitorja 2-1 kundër Glasgoë Rangers: skocezët avancojnë më tej pas një fitoreje 3-0 në shtëpi në ndeshjen e parë.
Barcelonës nuk dështon në takimin europian. Blaugranat, pas 0-0 në shtëpi, fituan 2-1 në fushën e Galatasaray dhe kaluan në çerekfinale të Europa League: avantazhit turk me Marcão (28′) iu përgjigj Pedri (37′) dhe Aubameyang (50′), me golat që vlejnë kualifikimin. Nuk shërbeu shumë strategjia e tifozëve turq për të mbajtur zgjuar gjatë gjithë natës katalanasit me fishekzjarret e hedhura në hotelin ku pushonin të besuarit e Xavit, sepse në fushë Barca rrëmbeu kalimin në cerekfinale.
Atalanta u kualifikua në çerekfinale të Europa League. Pas 3-2 në ndeshjen e parë në Bergamo, zikaltrit e Gasperinit fituan edhe në shtëpinë e Bayer Leverkusen, duke u imponuar 1-0. Vendimtar ishte goli i Bogës në minutën e 91 në kundërsulm, por më parë ishte Juan Musso me pritjet e tij që mbajti në ekuilibër ndeshjen dhe bëri të mundur kualifikimin; në minutën e 8′ me këmbë ndaj Diaby dhe mbi të gjitha në të 48′ duke e bllokuar sulmuesin në një kundër një.
Eleminim surprizë për Monacon, 1-1 në shtëpi me Sporting Braga pas humbjes 2-0 në Portugali. Miqtë kaluan përpara me Abel Ruiz në minutën e 20′, ndërsa monegaskët shënuan vetëm në të 90′ me Disasin. Kalim komod i raundit për Glasgow Rangers, të cilët me një fitore 3-0 në Skoci avancojnë në cerekfinale pavarësisht humbjes 2-1 nga Crvena Zvezda në Beograd. Ivanic (10′) iluzionon serbët, Kent (56′) siguroi kualifikimin e britanikëve, sepse penalltia e El Fardou Ben në të 94′ nuk mjafton.