Këngëtari i njohur , Harry Styles, zbuloi së fundmi se albumi i tij i tretë do të lancohet më 20 maj.
Sipas ‘Variety’, albumi do të titullohet Harry’s House dhe do të ketë 13 këngë , më shumë se çdo album i tij i mëparshëm.Megjithëse nuk ka ende detaje të mëtejshme për listën e këngëve të albumit, këngëtari i “Watermelon Sugar” zbuloi kopertinën e Harry’s House: një foto të tij me pamje të hutuar ndërsa qëndron në tavanin e një dhome ndenjeje me kokë poshtë. Gjithashtu,Stylespubliko një trailer 40 sekondash për albumin e ri, ku ai shkon në një skenë teatri dhe buzëqesh në kamerë ndërsa skica e një shtëpie të verdhë ngrihet mbi të.
Njoftimi i tij konfirmon teoritë e disa prej fansave të cilët vunë re se ai kishte ndjekur llogaritë e mediave sociale të titulluara You Are Home. Ata zbuluan gjithashtu një uebsajt misterioz YouAreHome.co, i cili nuk tregon asgjë përveç një dere ngjyrë bezhë që përditësohet çdo ditë për t’u hapur dhe për të treguar një imazh të ndryshëm./Lapsi.al