Aktori, Gary Oldman deklaroi së fundmi se do të largohet së shpejti nga aktrimi.
“Dalja në pension është në horizont.Unë mund ta shoh atë,” u shpreh Oldamn për Deadline , duke shtuar se nëse roli i tij si Jackson Lamb në serialin e ri Apple TV+, “Slow Horses”, është roli i tij i fundit, ai do të largohej i lumtur.
“Për të qenë në gjendje t’i përfundoj të gjitha duke luajtur Jackson Lamb, do ta konsideroja veten shumë të nderuar dhe shumë me fat që mund ta bëja këtë. Unë kurrë nuk do të thosha kurrë, “tha aktori, duke vënë në dukje gjithashtu se ai mund ta shihte veten “duke luajtur Jackson për shumë vite”.
Deklarata e fituesit të ‘Oscars’ vjen pas disa aktorëve të tjerë që njoftuan se do hiqnin dorë nga aktrimi.
Familja e Bruce Willis në fund të marsit njoftoi se ai do të “largohej” nga aktrimi për shkak të diagnozës së tij me afazi, e cila ndikon në aftësitë e një personi për të komunikuar.
Gjithashtu në fund të marsit, Jim Carrey zbuloi se “po tërhiqet, por … Varet nëse më vjen një skenar i mirë , do e mendoj”. Andrew Garfield javën e kaluar zbuloi se edhe ai do të bënte një pushim nga aktrimi, megjithëse më vonë sqaroi se “do të kalojë si pushime. … Unë e kam dashur punën që kam bërë, por gjithashtu, më duhet një muaj apo më shumë.”/Lapsi.al