Goli i vitit mund të jetë shënuar në Football League One, divizioni i tretë i futbollit anglez dhe, më saktë, nga sulmuesi i Bolton Wanderers, Dion Charles. Pak fuqi, pak fat dhe pozicionimi i keq i portierit kundërshtar, i lejuan lojtarit të shënonte 3-2 momental kundër Fleetwood Town. Një gol krejtësisht i pavullnetshëm, që mund të zgjidhet edhe si goli i vitit dhe pse jo, mund të përfundojë edhe mes kandidatëve për çmimin Puskas.
Në stadiumin e Universitetit të Boltonit, vendasit dolën në fushë kundër Fleetwood Town për javën e 46 të kampionatit. Rezultati ishte ende 2-2, por në minutën e 86, Charles arriti të kalojë në epërsi Bolton Wanderers. Një gol absurd, një gol i pavullnetshëm, një gol që i habiti të gjithë, në radhë të parë portierin kundërshtar Alex Cairns.
Sulmuesi, i cili kishte shënuar edhe në minutën e 37, rrëshqet ndaj një kundërshtari në mesin e fushës, por shkaktoi një episod të pabesueshëm. Topi u ngrit lart dhe mori një trajektore prej rreth 40 metrash të gjatë, që befasoi portierin e Fleetwood. Kontrasti në mesfushë u shndërrua në një parabël të pandalshme. Bolton kaloi kështu në avantazh dhe në fund fitoi 4-2 falë një tjetër goli, shumë më normal, në minutën e 96.
Me këtë gol absurd, sulmuesi irlandezo-verior e mbylli sezonin në mënyrë pozitive. Charles e kishte marrë ndërkohë trofeun për golin më të mirë të sezonit nga tifozët e Boltonit, në vigjilje të ndeshjes, por për një tjetër gol. Pastaj, pak orë më vonë, në javën e fundit të kampionatit, ai shënoi golin më të pazakontë dhe absurd të kohëve të fundit.
Unbelievable! @OfficialBWFC’s Dion Charles sores from a slide tackle near the centre circle 🤯#EFLonQuest – Tonight at 9pm #EFL #BWFC
Stream free on demand with @discoveryplusUK: https://t.co/5BVoLl5xim pic.twitter.com/RHShxuiDPN
— Quest (@QuestTV) April 30, 2022