Netflix po përballet me kritika të reja pas komedisë së Ricky Gervais që shfaqi shaka fyese për komunitetin trans.
Në komedinë speciale SuperNature, e publikuar më 24 maj, Gervais bëri komente të shumta për gratë trans, duke përfshirë aktoren e hapur trans Eddie Izzard, për të cilën Gervais tha: “Ishte e shkëlqyer në atë gjë si burrë”.
Aktori foli për paraqitjet fizike të femrave trans, duke thënë: “Të rejat që kemi parë kohët e fundit. Ato me mjekër. Janë të mira si flori, i dua”.
Më pas ai diskutoi vendimin e Kevin Hart për të dhënë dorëheqjen si prezantues i Oscars 2019 pas rishfaqjes së postimeve homofobike në Twitter. Gervais, i cili prezantoi pesë herë Golden Globes, tha se është e vështirë të “parashikohet se çfarë do të jetë fyese në të ardhmen”, pasi nuk mund të thuhet se kush do të jetë “turma dominuese”.
“Pikërisht, gjëja më e keqe që mund të marrësh sot – të të anulojnë në Twitter, kërcënime me vdekje – gjëja më e keqe që mund të thuash sot është: “Gratë nuk kanë penise”, apo jo? vazhdoi komediani. “Tani, askush nuk e pa atë që po vinte. Nuk do të gjeni një postim dhjetëvjeçar të dikujt që thotë: “Femrat nuk kanë penis”. E dini pse? Ne nuk menduam se duhej ta shkruanim”.
Ricky e përfundoi shfaqjen duke deklaruar se ai mbështet komunitetin trans,: “Zbulimi i plotë: Në jetën reale sigurisht që unë mbështes të drejtat trans. Unë mbështes të gjitha të drejtat e njeriut dhe të drejtat trans janë të drejta të njeriut. Jetoni jetën tuaj. Përdorni përemrat tuaj të preferuar Bëhuni gjinia që ndjeni se jeni. Por , zonja: Mos e mbani organin mashkullor. Kjo është gjithçka që po them.”
Gervais ka bërë më parë komente transfobike, duke postuar në Twitter në vitin 2019 se ai kënaqet nga reagimet. “Nuk përpiqem të ofendoj, por sa më shumë njerëz të ofendohen nga një shaka, veçanërisht në Twitter, aq më qesharake më duket”, ka shkruar ai. “Dhe sa më i zemëruar të jetë tweet-i, aq më shumë shanse për ta përdorur atë dhe për ta kthyer në të qeshura dhe para. Mediat sociale nuk po e vrasin komedinë. Po e nxisin atë. Siç ka bërë gjithmonë.”/Lapsia.al