Federico Chiesa mezi pret të kthehet në fushë e të japë kontributin e tij në krahun e majtë të sulmit të Juventusit. Anësori sulmues pësoi një dëmtim të rëndë kundër Romës janarin e kaluar dhe iu desh t’i nënshtrohej një operacioni në ligamentin e kryqëzuar të përparmë në gjurin e majtë. Një video e publikuar në rrjetet sociale nga bardhezinjtë e tregon lojtarin duke vrapuar. Një shenjë se procesi i rikuperimit po ecën pa probleme.
Sigurisht që rruga për t’u rikthyer në tapetin e gjelbërt të stadiumit Allianz është ende e gjatë për Chiesan: pasi u operua në Austri katër muaj më parë, sulmuesit të kombëtares italiane iu dha një prognozë prej 7 muajsh. Megjithatë, kohët e kthimit të tij janë thjesht hipoteza. Chiesa mund të kthehet në fushë midis shtatorit dhe tetorit, apo edhe të zgjasë pritjen deri në vitin 2023.
Può una semplice corsa emozionare? Sì.
❤️ @federicochiesa pic.twitter.com/eslrzBz6Qo
— JuventusFC (@juventusfc) June 1, 2022
Video e publikuar nga faqja e Juventusit gjithsesi ngjall optimizëm. “A mund të emocionojë një vrapim i thjeshtë? Po”, thuhet në përshkrimin e postimit të Juventusit, ku anësori i kombëtares përjetësohet në një vrapim të parë (të kujdesshëm) mbi bar.
7 Muaj??? Chiesa u dëmtua në 9 janar 2022 dhe jemi në 2 qershor 2022. Nuk janë as 5 muaj