Paul Pogba është një hap larg rikthimit të shumëpritur në Torino dhe për këtë arsye do të jetë goditja e parë e madhe në Juventus, që do të nisë kështu rindërtimin. Një lidhje që nuk është shkëputur asnjëherë ajo mes francezit dhe bardhezinjve pas lamtumirës në 2016. Mbetet vetëm të përcaktohen detajet e operacionit: tre vjet kontratë për 7.5 – 8 milionë euro në sezon, me hipotezën e një periudhë katërvjeçare nëse përfshihet edhe opsioni për një vit shtesë.
Takimi i fundit mes klubit dhe Rafaela Pimentas, menaxheres që kujdeset për interesat e Pogba dhe lojtarëve të tjerë të Raiolës pas vdekjes së tij, do të jetë për rrjedhojë vendimtare. Edhe konkurrentët e mundshëm tani kanë bërë mënjanë. Real Madrid ka vendosur të fokusohet tek ai që konsiderohet trashëgimtari i Pogbas, që është Aurélien Tchouameni i Monakos dhe gjithashtu hipoteza e PSG duket se tashmë është zbehur, pavarësisht fuqisë së tepruar ekonomike të parisienëve dhe zërave për një ardhje të mundshme të Zidane në pankinë.
Konfirmimin e mëtejshëm të rikthimit të Paul, e kanë bërë sinjale të ndryshme nga fusha. Ditët e fundit, në fakt, disa fqinjë torinezë të kampionit francez kanë njoftuar për punime në rezidencën e tij të vjetër, por mbi të gjitha për mbërritjen e të gjithë flotës së makinave.
Pas 6 vitesh larg nga Torino, mund të thuhet se Paul tani është gati të përqafojë sërish shokët e tij të vjetër. Por nga ai sezon i fundit, të mbijetuarit janë të paktë dhe shumë prej atyre që kanë mbetur i kanë valixhet në dorë. I vetmi i sigurt për të qëndruar është kapiteni i ri, Leonardo Bonucci, ndërsa për Ruganin, Alex Sandro, Cuadrado dhe Morata, aventura e Juventusit mund të jetë në fund të krediteve. Megjithatë, Pogba do të gjente ish-bashkëlojtarë të tjerë, me të cilët megjithatë nuk do të ndajë fushën: Padoin në stafin teknik, Storari në drejtim dhe De Ceglie, i cili është bashkëpunëtor në skuadrat e të rinjve të klubit që nga viti 2021.
POGBA POSTON FOTO NË BARDHEZI
“Mos u shqetëso për të ardhmen, nuk ka mbërritur akoma. Shqetësohu vetëm për të tashmen e shfrytëzoje më së miri”.