Mediat e huaja kanë raportuar se Johnny Depp ka një tjetër gjyq për goditjen e një punonjësi në xhirimet e “City of Lies”.
Gjyqi i ardhshëm civil në Gjykatën e Lartë të Los Anxhelosit është planifikuar për në 25 korrik dhe rrjedh nga padia e Gregg “Rocky” Brooks në korrik 2018 kundër Depp, duke e akuzuar aktorin se u zemërua dhe e goditi dy herë në anën e majtë të brinjëve përpara ekipit.
Sherri me Brooks ndodhi në prill 2017 pasi aktorit iu tha se ekipi i duhej të ndalonte xhirimet e një skene deri në orën 23:00 për shkak të kufizimeve të lejeve. Brooks, si menaxher, kishte për detyrë të siguronte mbylljen e prodhimit në kohën e duhur.
Ankesa pretendon se Depp e qortoi Brooks-in, duke i bërtitur në fytyrë, “Kush je ti? Nuk ke të drejtë të më thuash çfarë të bëj!”
Ai tha se u përpoq të shpjegonte çështjen e lejes, por pa dobi, sipas dosjes. “Mua nuk më intereson se kush je dhe nuk mund të më thuash se çfarë të bëj!”.
Menaxheri rrëfeu gjithashtu se filmi ishte shumë mbi buxhetin dhe atmosfera në xhirime ishte “toksike” dhe e tensionuar.Në film, Johnny luan një detektiv në pension të LAPD-së që heton vdekjen e reperëve Tupac Shakur dhe The Notorious B.I.G.
Avokatja e tij,Camille Vasquez, e cila fitoi bazën e saj të fansave pas marrjes në pyetje të Heard-it, mund të kthehet në sallën e gjyqit për të mbrojtur aktorin.
Gjatë një deponimi, Depp pranoi se e qortoi Brooks-in pasi i kishte bërtitur një gruaje të moshuar të pastrehë, e cila i pengoi padashje gjatë xhirimit jashtë hotelit Barclays në Los Angeles, por mohoi që ta kishte goditur ndonjëherë.
“Fjalët e tij ndaj saj ishin me zemërim dhe hidhërim të madh dhe – e dini, kishte shumë helm në të.” – tha ai . “Unë nuk e toleroj padrejtësinë.”
Gregg po kërkon një shumë të paspecifikuar dëmi në padinë për lëndime personale./Lapsi.al