PSG po përgatitet për sezonin e ri dhe aktualisht është në turne në Japoni. Skuadra e Galtier në orët e fundit ka dalë në fushë kundër Gamba Osakas për një miqësore tradicionale para-sezonale. Në Panasonic Stadium Suita, klubi i Ligue 1 fitoi 6-2, falë golave të Sarabia, Nuno Mendes, Lionel Messi, Kylian Mbappé dhe një dygolësh nga Neymar. Braziliani ishte ndër protagonistët e mëdhenj të sfidës, por jo vetëm për dy golat e tij. Në rrjetet sociale, në fakt, u fol për një hedhje të brazilianit që u cilësua si e turpshme.
Neymar mund të ketë bërë hedhjen më të shëmtuar të karrierës së tij gjatë miqësores së Paris Saint-Germain me Gamba Osaka, ose të paktën, kështu janë të bindur tifozët. Braziliani ka pasur gjithmonë etiketimin e simuluesit, një epitet që atij nuk i pëlqen, por që nuk arrin ta lërë pas, përkundrazi. Në ndeshjen e fundit të PSG-së ai i nxiti edhe më shumë këto zëra.
Pablo Sarabia sapo i kishte dhënë avantazhin skuadrës franceze, duke shënuar golin e 1-0, kur Neymar u rrëzua brenda zonës. Braziliani fitoi një penallti, por përsëritjet e aksionit nuk ishin fare bindëse. Shumë i pakët kontakti me kundërshtarin dhe duket sikur Neymar hidhet vetë. Në fakt, nëse ka pasur kontakt, duhet të ketë qenë minimal, por braziliani bie përtokë dhe rrotullohet në agoni.
World Class dive from Neymar Jr 🤣🤣🤣🤣 pic.twitter.com/nkkRBHP4XS
— 𝙁𝙤𝙤𝙩𝙗𝙖𝙡𝙡 𝙉𝙚𝙬𝙨 (@Footballrover) July 25, 2022
Sulmuesi, më pas, nga 11 metra shënoi golin e 2-0, por kritikat nuk munguan në rrjetet sociale. Video e faullit u postua në internet dhe tifozët u çmendën, duke shpërthyer në kontestime: “Pse dreqin hidhesh në një ndeshje miqësore?”. Një tjetër shtoi: “A ishte vërtet e nevojshme? Skuadra po fitonte”. Një i tretë ndërkohë postoi në Tëitter: “Një lojtar që rrotullohet gjithmonë me dhimbje të rreme”. Braziliani konsiderohet si një nga lojtarët më të mirë të gjeneratës së tij, por shpesh sulmohet për disa nga sjelljet e tij brenda dhe jashtë fushës.