Real Madrid i hap derën një teknologjie të re për stërvitjen në goditjet e lira. Spanjollët, në fakt, përdorin një pengesë mekanike që udhëhiqet dhe rregullohet nga një aplikacion. Detajin e ka zbuluar vetë klubi, i cili ka postuar një video në profilet e tij sociale për të treguar këtë barrierë të veçantë. Një risi teknologjike që me siguri do të pushtojë edhe klube të tjera dhe jo vetëm në Evropë.
Në videon e publikuar nga Blancos, shihet një anëtar i stafit që, përmes një aplikacioni të instaluar në një tabletë, rregullon lartësinë e figurave individuale të barrierës. Kjo do të thotë që lojtarët e Realit mund të përgatiten për ndeshje specifike duke vendosur lartësinë e saktë të kundërshtarëve të tyre. Për shembull, para një përplasjeje kundër Barcelonës, merengues mund të ushtrohen me goditjet e lira me pengesa që kanë lartësinë e Jules Kounde ose Andreas Christensen.
Barriera përbëhet nga gjashtë manekinë me përmasa reale, por disa prej tyre mund të hiqen në çdo kohë. Në klip, lojtarë të ndryshëm janë ushtruar me barrierën speciale. Luka Modric arriti të mposhtë portierin e Real Madrid me një mur prej pesë robotësh, ndërsa edhe Toni Kroos e gjeti me lehtësi rrjetën.
🏹 ¡Qué manera de clavarlas! 🏹 pic.twitter.com/rn0jcVfHQf
— Real Madrid C.F. (@realmadrid) August 30, 2022
Gjatë përgatitjes çdo detaj ka rëndësi dhe Blancos e dinë shumë mirë, kjo është arsyeja pse ata janë gjithmonë në kërkim të teknologjive të reja për të përmirësuar performancën e lojtarëve të tyre. Barriera speciale i ka entuziazmuar tifozët, të cilët vërshuan mediat sociale me komente: “Pajisjet për stërvitjen e futbollit kanë bërë një rrugë të gjatë. Teknologji e pabesueshme e përdorur nga Real Madrid”, ka shkruar dikush. Por muri mekanik me siguri do të pushtojë edhe idetë e klubeve në mbarë botën.
Në fillim të kësaj jave, kampionët e La Ligës kanë shpërndarë gjithashtu një tjetër filmim të realizuar me dron. Blancos treguan pamjen e re të Santiago Bernabeu. Në zonën e fushës ka sisteme ventilimi, sisteme vaditjeje, trotuare anësorë për mirëmbajtje, ndriçim LED, kamera vëzhgimi dhe terapi me rreze ultravjollcë për të siguruar që terreni të jetë gjithmonë në gjendje të mirë. Klubi spanjoll do të përmirësojë gjithashtu mikpritjen me pesë restorante të reja të shpërndara në pjesën e sipërme, një sky bar dhe një qendër tregtare.
🏟️ ¡ESPECTACULAR! 🏟️
🤩🎥 Así se ven las obras del Santiago Bernabéu a vista de dron. pic.twitter.com/DMGRSTwvnA— Real Madrid C.F. (@realmadrid) August 29, 2022