Alec Baldwin është bërë baba për herë të tetë. Hilaria ka mirëpritur fëmijën e shtatë të saj me aktorin, Ilaria Catalina Irena Baldwin.
“Ajo është këtu! Jemi shumë të emocionuar t’ju prezantojmë me ëndrrën tonë të vogël të realizuar, Ilaria Catalina Irena. Shumë dashuri për të gjithë ju. Jemi shumë të lumtur.”, shkroi Hilaria në një postim në Instagram. Foshnja bashkohet me vëllezërit e motrat e mëdha Carmen, Rafael, Leonardo, Romeo, Eduardo dhe Lucia, 18 muajshe. Alec ka dhe vajzën 26-vjeçare me ish-gruan Kim Basinger, Ireland Baldwin.
Hilaria zbuloi lajmin e shtatzënisë për ndjekësit e saj në Instagram në mars. “Pas shumë ulje-ngritjeve gjatë viteve të fundit, ne kemi një surprizë të madhe: një tjetër Baldwinito po vjen këtë vjeshtë ”, shkroi ajo në atë kohë. “Fëmija ynë i ri është një pikë shumë e ndritshme në jetën tonë. Një bekim dhe një dhuratë.” Dy muaj më vonë, Baldwin zgjodhi të ndajë gjininë e fëmijës së tyre, një vajzë. Ndërsa cifti nuk i ndanë mendimet e tyre për një emër për vajzën,ata bënë shaka duke zgjedhur diçka “krejtësisht amerikane” gjatë një mbrëmjeje gala të prillit. Shakaja e tyre i referohej reagimit me të cilin Hilaria u përball në fund të vitit 2020, kur u akuzua për përvetësim kulturor pasi pretendoi se ishte nga Spanja.
Ish instruktoja e jogës ka reflektuar gjithashtu mbi “vitin sfidues” të familjes së saj. “Ndonjëherë nuk mendoja se do t’ia dilja mbanë. Unë dua që ju të dini se sa shumë më keni ndihmuar në disa beteja mjaft të errëta.” Alec Baldwin ishte në qendër të polemikave në tetor, kur qëlloi aksidentalisht kineasten Halyna Hutchins gjatë xhirimit të “Rust”. Fituesi i Emmy-t u padit për neglizhencë në nëntor 2021. Familja e Hutchins ngriti një padi kundër tij dy muaj më vonë./Lapsi.al