Aksident në Krujë, një i plagosur

Një aksident ka ndodhur pasditen e sotme në rrugën e fshatit Bilaj, Krujë. Siç duket edhe nga pamjet e mëposhtme, një autoveturë tip “Opel” me drejtues Stefan Muça ka goditur një motoçikletë. Motoçikleta drejtohej nga Agustin Dobrozi, banor i këtij fshati, ka përfunduar në kanal nga impakti i përplasjes, e si pasojë është lënduar rëndë drejtuesi i mjetit. Ky i fundit, ndodhet në gjendje të rëndë të spitalin e Traumës në Tiranë. Ndërkohë që Policia ka nisur hetimet për të zbardhur shkakun e aksidentit, por ende nuk ka dalë me një njoftim zyrtar lidhur me ngjarjen.