Ideja e Super League nuk është fshirë, përkundrazi. E tashmë ka një Administrator të Deleguar: 48-vjeçarin gjerman Bernd Reichart. Lajmin e bujshëm e bëri të ditur A22 Sports Management. Kjo është edhe kompania europiane e zhvillimit të marketingut të sportit që qëndron pas projektit Super League. “Objektivi i tij i parë do të jetë përfshirja në një dialog të gjerë dhe intensiv me një numër të madh palësh të interesuara. Këtu përfshihen klubet, lojtarët, trajnerët, tifozët, përfaqësuesit e mediave dhe politikanët – thuhet në shënim -. Qëllimi është të inkurajojë zhvillimin e një modeli të qëndrueshëm sportiv për garat evropiane të klubeve. Janë ato që pasqyrojnë më së miri interesat e përbashkëta dhe afatgjata të tifozëve dhe komunitetit të futbollit në tërësi”.
“Situata aktuale e futbollit europian është e mbushur me një sërë vështirësish që nuk do të zgjidhen vetë” – tha Reichart -. Presidentët e Real Madrid, Barcelona dhe Juventus kanë shprehur së fundmi këndvështrimin e tyre për problemet me të cilat po përballet sporti ynë. Unë mendoj se ata po bëjnë pyetjet e duhura. Personalisht jam i emocionuar që mund të dëgjoj kaq shumë zëra të ndryshëm në mënyrë që komuniteti evropian i futbollit të mund të gjejë përgjigjet e sakta. Loja që të gjithë e duam do të përfitojë nga një dialog i sinqertë, i hapur dhe i pakufizuar, për një të ardhme më të mirë, përmes një procesi serioz reformash”.
“Football can do better”, states Bernd Reichart, our new CEO. That’s why we will organize a broad dialogue with clubs, fans and all those who want to build a better home for #EuropeanClubFootball. Watch his video statement: pic.twitter.com/TbHntRy0pv
— A22 Sports (@A22Sports) October 19, 2022