• |
ide | kryesore

Kurti vdiq në duart e policisë, sa qëndrojnë alibitë

-Instant, Arkiva, Kryesore
lear kurti



Nuk është hera e parë që policisë i ngelen qytetarët të vdekur në dorë. Kështu ka ndodhur edhe të mërkurën në mbrëmje, kur 32 vjeçari Lear Kurti ka humbur jetën pas një kontakti me një patrullë policie në zonën e Don Boskos në Tiranë. Ndonëse rrethanat e ngjarjes janë ende enigmatike dhe palët japin versione të ndryshme, ajo që ka ndodhur është pak a shumë kjo: I riu po kalonte në një rrugë dytësore të zonës së Don Boskos me emrin Riza Cuka, kur ai është përballur rreth orës 23:07 me një skuadër të uniformave blu. Sipas dëshmive të këtyre të fundit ai e ka refuzuar kërkesën për të ndaluar dhe paraqitur dokumentat. Pas këtij veprimi, forcat blu i janë vënë në ndjekje të riut për rreth 300 metra, derisa arritën ta ndalonin në rrugën “Don Bosko”, duke kryer më pas edhe shoqërimin e tij në ambientet e Komisariatit të Policisë Nr. 3 në Tiranë.

Familjarët dhe të afërmit dyshojnë se ai është keqtrajtuar aty. Policët këmbëngulin se humbja e jetës ka ndodhur jo për shkak të goditjeve, por për arsye të tjera. Ajo ku palët bien dakord është se i riu ka mbërritur i vdekur në spitalin e traumës, i pa shoqëruar nga një ambulancë, por i çuar aty nga furgoni i policisë gjë që e bën edhe më të rëndë ngjarjen.

Dyshimet për të, shtohen nga versionet e ndryshme, shpesh kontradiktore dhe justifikuese që policia përhapi tek mediat e kontrolluara prej saj. Lapsi.al ka parë me lupë versionet që raportoi Report TV dhe Shqiptarja.com, media të cilat njihen për afërsinë e tyre me informacionet që do të imponojë policia.

Varianti i parë

“Burime për gazetarin e Report Tv Sokol Dema, bëjnë me dije se viktima Lear Kurti rezulton se ishte përdorues i lëndëve narkotike dhe me sëmundje të epilepsisë, por nuk e ka të regjistruar në kartelën mjekësore”. Pra me këtë version dukej sikur viktima mund ta kishte humbur jetën nga kriza e epilepsisë, të cilën ata e konstatuan aty për aty që ai e kishte, madje u kujdesën të thonë se ai këtë patologji nuk e pati të shënuar as në kartelën mjekësore.

Lexo dhe:“E kanë mbytur”/ Babai i viktimës: Djali nuk kishte probleme shëndetësore

Ky version filloi të zbehej kur babai adoptues foli për Top Channel dhe mohoi se i biri i tij kishte probleme shëndetësore.

Varianti i dytë

Pas epilepsisë doli ideja e një dealer-i që shiste kokainë dhe e kishte gëllititur qesen e mbushur me lëndën narkotike që ajo mos binte në duarte policëve që e ndiqnin. Shqiptarja.com raportoi se: “32-vjeçari Lear Kurti që vdiq në duart e policisë dyshohet se kishte një dozë kokaine të cilën mund ta ketë gëlltitur kur u ndalua nga forca blu, thonë burime ende të pakonfirmuara. Kjo mund t’i ketë dhënë probleme shëndetësore ndërsa mbetet ende e paqartë se cila është arsyeja që i ka shkaktuar vdekjen. Në ekspertizën paraprake ka rezultuar se i riu Lear Kurti ka ndërruar jetë si pasojë e overdozës. Në stomakun e tij është gjetur një përmbajtje plastike disa cm ku dyshohet se viktima ka gëlltitur lëndën narkotike. Kjo substancë është dërguar për analiza të mëtejshme për të vërtetuar nëse ka qenë kokaine apo jo. Në stomakun e 30-vjeçarit ka shenja hemoragjie, çka mund të jetë shkaktuar nga gëlltitja e lendes plastike ku dyshohet se mbahej lënda narkotike”.

Varianti i tretë

Për ta përforcuar idenë e kriminalizimit të viktimës, informacionet e shpërndara nga Shqiptarja.com thuhej se 32 vjeçari kishte një shok, që kishte pas qenë pjesë e grupit të Shullazit: “Dyshohet se viktima dhe shoku i tij fillimisht kanë qenë bashkë, por me pas janë ndarë kur është afruar policia. Lear Kurti rezulton me 3 precedentë penale, vjedhje dhe droge. Ai njihet si shok i grupit të Pajtim Serjanit”.

Varianti i katërt

Fillimisht policia nuk ka pranuar se i riu i kishte mbetur në dorë, por se e kishte çuar në jetë në spital. Vetëm më pas Spitali i Traumës përgënjeshtroi duke thënë zyrtarisht se ai qe çuar direkt e në morg pasi pulsi i tij nuk rrihte më, ku version u fashit. Por brenda tij ka edhe një mister. Nëse viktima do të kishte shfaqur probleme shëndetësore në Komisariatin 3 ku e shoqëruan, policia duhet të kishte thirrur ambulancën dhe jo ta shpinte për ndihmë mjekësore me furgonin e saj që nuk jep dot ndihmën e duhur. Por edhe për këtë është shpërndarë një alibi e botuar gjithashtu tek Shqiptarja.com: “Sapo ka zbritur nga makina e policisë, gjendja e tij është përkeqësuar ndaj policia ka njoftuar ambulancën. Duke qenë se po vonohej, vendosën që ta transportonin vetë për në spitalin e Traumës, ku mbërriti pa shenja jete”. 

Lexo dhe: Ndërroi jetë pasi u shoqërua/ Berisha: Policia po gënjen si me Klodian Rashën

Duke parë tendencën e përnjeherëshme për ta etiketuar viktimën si të sëmurë, si kriminel dhe person që e kishte shkaktuar vetë vdekjen e tij si pasojë e marrjes së overdozës, familjarët dhe opozita ngritën dyshimet e para. I ati tha “ma vrau shteti”. Opozita pretendoi për ushtrim dhune. Deri më tani, asnjë nga hipotezat nuk mund të vërtetohen dhe ngjarja e të riut Lear Kurti, që ndërroi jetë në duart e policisë, mbetet ende mister. Por barra e provës për të vërtetuar se nuk ka pasur asgjë të paligjshme tani i takon shtetit, sepse në pak orë ka prodhuar aq shumë alibi që kundërshtojnë njëra tjetrën, sa e ka bërë këtë vdekje të dyshohet edhe si një vrasje.

©Lapsi.al  

 

 

 

 

 



21 Comments

  1. Ne dac rrihi, ne dac vriti, ne dac leri pa pune, ne dac leri pa buke, ne dac prishu shtepine, ne dac
    rrasi ne burg per nje fatrure 30 mijelekshe apo per nje kotec pulash, ne dac largoji prej Shqiperie
    ne dac vidhi e dac ripi per se gjalli, ky popull nuk reagon me. Nervi i tij ka ngordhur me kohe
    gjate regjimit te eger komunist. Suksese rilindje, ke gjet sesh e bej pershesh.

    1. Sakte…

      Harrove te shtosh:
      “Sidomos kur ju qi grate dhe gocat votojne me fort per ta !!!”

      Do ti shkoje Lali ose i gjati me noi oferte pune ne shtet, siç bene me familjen Rraja…

      Kta permendin 21 janarin, i vrane 4 vete

      Por harrojne qe jane vra nja 8 per kto 10 vjet plus nja 1 milion kane hik

      Popull dyrdyl

  2. Me pak fjale e kane vrare vete dhe tani shpikin versione te ndryshme dhe ne fund mbajne versionin qe rri pak ne kembe . Po bejne ate qe kane bere gjithmone , po bejne njesoj si me te ndjerin Rasha . Keta nuk jane police por rrugeçer me uniforme , ky nuk eshte shtet por bande kriminelesh .

  3. versioni i droges ne stomak eshte me koti qe kane imagjinuar . Ne 300 m ndjekje e kishte hedhur 300.000 here .
    Kjo polici eshte e frikshme , me shume ngjajne si kriminela me uniforme qe vrasin e presin sesa polica qe duhet te na mbrojne .

  4. Nje here pistoleta , nje here droga , nje here epilepsia , nje here vetvrasja pas nje ore ne biruce . Jemi bere me keq se Irani . Do kete ndonje here drejtesi ky vend ? A do ndeshkohen ndonjehere fajtoret e vertete ? Sa do durojme akoma ?

  5. Duke ditur se kush jane policet e ketij vendi , duke ditur se çjane te afte te bejne une nuk i ve faj atyre . Fajtor per mua jane doktoret qe nuk na thone te verteten dhe manipulojne te dhenat . Nga policet e pres por mjekeve nuk jua fal kete antinjerzillek .

  6. Nuk ka alibi por vetem droge ne stomak,ka gelltitur dozat qe kishte per te shitur,frika e tij nga policia beri qe ai ti gelltise dhe jo ti hedhe sepse ato gjendeshin dhe si perdorues dhe shites do denohej me burg

  7. Me te besueshem do ishte po te thonin i ra infakt apo pushim zemre pasi po ndodhin si shpesh tek te rinjte e varikarsinuar, por qesja me droge a me allci eshte tallje bythe

  8. Prokuroria e krimeve te renda te hapi hetim dhe te therrase nen akuze policet qe e shoqeruan ne komisariat.

  9. KEMI KOHE QE THEMI SE KY ESHTE VEND I FRIKSHEM , ME NJE POLICI KRIMINALE , ME MORRA PATRONAZHIST DHE ME NJE KUPOLE SUPER MAFIEZE E SUPER HAJDUTE . LARGIMI I KESAJ KUPOLE ESHTE ZGJIDHJA E VETME PER TE RIFITUAR LIRINE

  10. Para ca kohesh, zj.Nikolla qe po i merrej fryma per te na thene se nje mbledhje e rendesishme duhet bere medoemos brenda 24 oreve se ketu kishte rene gjema . Ishte gjetur spiun Ilir Meta dhe kesisoj ky mund te na nxirrjet te gjitha sekretet e ketij vendi . Marrezi nga nje sekt te marresh qe as ju kercet as me nje ane vendi dhe interesat e ketij vendi perveçse ta grabisin e ta shqyejbe sa me shume . Ku jemi sot ? Çfare beri drejtesia ? A e imagjinoni dot po ti ndodhte e njejta gje nje njeriu normal , se çfare do pesonte i shkreti ?
    Sot shkojne e sekuestrojne biznesin me te sakt qe ka ky vend pa urdher sekuestro vetem e vetem pse eshte i z.Shehaj . Imagjinoni , kur ja bejne kete nje deputeti me imunitet çdo ti ndodhte nje njeriu dokudo ? Kur keta manipuluan dosjet e Ilir Metes dhe e moren me revansh dhe tani qe ju ngeci manovra bejne sikur nuk ka ndodh asgje . A e pate gjjuhen e tij me kryetarin e sindikates se petagogeve ? Duke e ofenduar si ish shikas , ky ofendon mijera te tjere qe punojne per sigurin e shtetin dhe te shtetasve shqiptare . Gjuhe kryeministri eshte ajo ? A e imagjinoni dot presidentin Biden te USA-s te ofendoj nje punonjes te FBI-se ? Marrezia e mbajtjes se pushtetit me çdo forme menyre dhe mjet po e degradon çdo dite e me shume te gjatin tone .

    Pa folur pastaj per vrasjet qe krimineleve me uniforme bejne ndaj popullit qe duhet te mbroje . Agresiviteti i tyre arrine deri ne ate pike qe mbasi te vrasin , te “qendisin” letrat ai tua doje kokrra e qejfit , jane sq idiote sa te thone u gjet i vetvrare me thike pas shpine . Hedhin versione nga me te ndryshmet dhe mbasi demaskohen , rihedhin te tjera derisa njera te jete pak e qendrueshme . Keta qe duhet te mbrojne ligjin dhe qytetaret jane te paret qe abuzojne me ne dhe çeshte me e keqja abuzojne ne emer te ligjit dhe ne emrin tone .

    Nga frika e humbjes se pushtetit , i gjati ine dhe sekti antishqiptar mavi eshte bere shume i dhunshem dhe shume i frikshem i frikshem . Nga frika e humbjes se pushtetit dhe rrjedhimisht te humbjes se parave te vjedhura nga pushteti qe ka , ky eshte kail te kaloje edhe mbi kufoma shqiptaresh .

    Harbuteria e ketij te marri ka prekur fundin , ky eshte fundi i nje marrezie te pafund nga ana e te gjatit tone .
    Ky tashme eshte kthyer ne nje “serial killer” dhe ashtu siç do serial killer nuk ndalon ne marrezite e tija nese nuk e ndalojme ne . I gjati ine ka cekur fundin e marrezise se tij por duhet te jete edhe fundi i durimit tone . Kesaj marrezie i duhet dhene , ky “serial killeri” i Shqiptareve duhet syrgjynosur nje ore e me pare .

  11. Film dramatik me titullin : Kur te vret shteti
    Regjizor dhe skenarist : Edi Pallosh Rama
    Realizoi : Policia kriminalo-mafioze e Shqiperise se Rilindjes

  12. Cdo analize,duhet filluar,qe nga uniforma e policise.Polic,pa emra,e mbiemra,qe nuk merret vesh se kush eshte polic,e kush eshte “kontrabandist”.Police,pa kamera personale,si pjese e uniformes.Pse jane hequr,kush ka dhene urdherin per t’i hequr kamerat,dhe kush e ka zbatuar ate urdher???Kamerat,si dhe etiketa,me emerin personal te policeve,do ishin deshmitaret e pare dhe te besueshme,per te hequr cdo alibi,me te cilat kjo polici,si nje cete e shpartalluar,kriminale,karagjoze,natyrisht qe do e cfrytezonte,per te perfituar,e shkelur cdo ligj qe ka policia,cdo protokoll,dhe cdo te drejte njerezore,qe i ka cuar,dhe do vijoje t’i coje deri ne marrjen e jete njerezish,kryesisht pa faj.Dhe faji,si gjithmone,mjeshtri Veliu,do ja veshe viktimave,si gjithmone,duke nxjerre policine,pa faj.Policia,vete kryen aktin (shkelen e ligjeve),vete kryen arrestimet,vete keqtrajtojne njerezit vete i marrin jeten viktimave,por paskan edhe te drejten,qe po vete te bejne hetimet,por edhe expertizen mjeksore,duke eleminuar te gjithe zinxhirin e institucioneve,qe e kane per detyre.Dhe thone,se nuk duhet te pergjithsojme te gjithe policine!!!! Por kush na qenka polic i mire,perderisa,nuk del publikisht e te thote,se emra,dhe kamerat e policise,jane hequr,me urdher te X Komisari,Drejtori,apo edhe te ministrit,apo edhe kryemin.Te deklarojne se detyrat,nuk i kryesjne konform protokolleve,sepse Y shef i madh apo i vogel,i pengon dhe i urdheron,te bejne te kunderten.Vetem atehere,mund te besojme se,paska mbetur midis tyre edhe ndonje,ama ndonje polic,i hajrit!

  13. Pa kaluar as 48 ore dhe u harrua vrasja e Kurtit , sa turp per ne . Nje i ri ne kulmin e moshes ik nga kjo bote sikur te ishte nje hiç dhe ne vetem llomotisim e nuk kundravihemi me force policise super te korruptuar e banditeske . Vetem kete vit u bene 8 vrasje apo vetvrasje te supozuara nga ana e policise dhe policia te nesermen e riperserit dhunen si pa te keq , per sa kohe akoma do ti lejojme keto kerma kirminalo-mafioze te na perdhosin ????

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *