E diela e javës së trembëdhjetë të La Liga u hap me barazimin e Atletico Madrid ndaj Espanyol. Në Wanda Metropolitano, Colchoneros nuk mundën të përfitonin nga epërsia numerike për të marrë fitoren. Kartoni i kuq i Cabreras në të 28′ nuk e pengoi skuadrën e Bares të dilte me një 1-1 të vlefshëm. Në inferioritet, mesfushori shqiptar u zëvendësua në të 35′. Goli i avantazhit të miqve erdhi nga Darder në të 62′. Joao Felix u përgjigj me një gol të mrekullueshëm në të 78′. Për Cholo Simeone, edhe një herë ndryshimet nga pankina janë vendimtare.
Atletico Madrid, pas eliminimit nga Europa, nuk arriti të gjente shkundjen e duhur dhe barazoi 1-1 ndaj Espanyol. Një provë e madhe e katalanasve të cilët për gati 3/4 e lojës ishin në inferioritet. Megjithatë, Espanyol kaloi i pari në avantazh, por u rikuperua nga goli i Joao Felix. Vendasit e nisën mirë me Griezmann, që goditi nga jashtë zonës, por nuk gjeti kuadratin. Espanyol u përgjigj me Joselu, por Oblak ishte gati. Ndeshja ndryshoi në minutën e 28, kur Cabrera pengoi Morata. Arbitri tregoi kartonin e kuq. Atletico e gjeti veten në epërsi numerike dhe filloi të shtyjë për të përfituar nga një lojtar më shumë.
EFEKTI FELIX
Me kthimin në fushë, vendasit kërkojnë hapësira për të ndëshkuar kundërshtarët e tyre. Atletico u bë i rrezikshëm me Correan dhe Morata, por në minutën e 62 ishte Espanyol që kaloi në avantazh me Sergi Darder. Skuadra e Simeones reagoi dhe në minutën e 78 barazoi me një të majtë të shkëlqyer të Joao Felix, i cili hyri si zëvendësues. 1-1 në Wanda Metropolitano, ndërsa sulmet e fundit nuk ndryshuan asgjë. Benjamin Lecomte u bë protagonist i pritjeve të mëdha duke ruajtur rezultatin në disa raste. Atletico Madrid mbetet i treti me 24 pikë, larg luftës për titull. Espanyol është i rrezikuar me 12 pikë, një nga zona e ftohtë.