Karim Benzema, gjatë pushimit të ndeshjes Lyon-Nice, doli në fushë në Parc OL me Topin e Artë të fituar. Francezi, i lindur në Lion, i rritur me moshat në klubin e qytetit, donte të festonte trofeun e çmuar me tifozët e tij. Lyon festoi me sulmuesin, por komplimentet dhe mesazhet për Benzema, kanë ardhur nga e gjithë bota. Nga tifozë, gazetarë, futbollistë dhe ish-kampionë, por jo nga Cristiano Ronaldo. Lojtari i Real Madrid ka rrëfyer se portugezi nuk e ka uruar.
Benzema, pasi ndihmoi Madrid të fitonte La Ligën dhe Champions League sezonin e kaluar, fitoi Topin e Artë. Trofeu i parë prestigjoz në karrierën e tij. Francezi kontribuoi në suksesin e Blancos me 44 gola në 46 ndeshje në të gjitha garat. Francezi ishte favorit në garën për çmimin e lakmuar individual dhe në fund trofeu iu dorëzua pikërisht atij.
34-vjeçari ka marrë shumë vlerësime. Zinedine Zidane, për shembull, e quajti atë “sulmuesin më të mirë në historinë e futbollit francez”. Por shumë futbollistë dhe ish-kampionë e komplimentuan Benzema. Shumë, po, por jo Cristiano Ronaldo, ish-shoku i tij i skuadrës.
Sulmuesi ka folur për këtë në një intervistë për Telefoot. I pyetur nëse pesë herë Topi i Artë e kishte uruar për trofeun, francezi u përgjigj drejtpërdrejt: “Cristiano Ronaldo? Jo ende jo”. Më pas gazetari theksoi se sjellja e portugezit nuk ishte e përzemërt, por Benzema u përgjigj: “Me qetësi”. Francezi e bën të qartë se ka ende kohë dhe se pret një mesazh nga Ronaldo. Por tashmë ka kaluar gati një muaj nga ceremonia e ndarjes së çmimeve dhe ky mesazh nuk ka mbërritur. Probleme me linjën mes Mançesterit dhe Madridit? Nuk duhet, por Benzema po pret.
BENZEMA GATI PËR BOTËRORIN
Ndërkohë, Karim fokusohet te Botërori. Franca kampione në fuqi do të kërkojë të mbrojë titullin në Katar. Sulmuesi, i cili mbush 35 vjeç një ditë pas finales, e sheh Kupën e Botës si një dhuratë ideale për ditëlindje: “Fitimi i Kupës së Botës do të ishte një nga dhuratat e mia më të mira të ditëlindjes ndonjëherë. Çdo ndeshje do të jetë një finale kupe. Kemi një grup të madh lojtarësh, do t’i marrim ndeshjet një nga një. Kisha disa probleme të vogla me fitnesin, por asgjë serioze. Ka ende shumë kohë deri në datën 22. Do të jem mirë, do të jem gati fizikisht dhe mendërisht”.