Pak përpara samitit të BE-së në Tiranë, Kosova dhe Serbia morën një propozim të përditësuar për dialogun Kosovë-Serbi, të dokumentit që njihet në opinion si dokumenti franko-gjerman.
Presidentja Vjosa Osmani, në një intervistë për “Euroactiv”, nuk pranoi të shtjellojë përmbajtjen e këtij dokumenti dhe tha se tani është në fazën e analizës nga zyrtarët e lartë shtetërorë, të cilët më pas do të kenë një qasje të përbashkët dhe të koordinuar.
Megjithatë, ajo shpjegoi se njohja reciproke është e vetmja zgjidhje që do të garantojë paqe dhe stabilitet të qëndrueshëm në rajon.
“Pra, ne po punojmë për ta realizuar atë. Kur do të bëhet e madhe, ndoshta e arritur, është një çështje tjetër. Por ky është qëllimi ynë, duke pasur gjithmonë parasysh se ne duhet të mbrojmë dhe ruajmë integritetin territorial të Kosovës, sovranitetin, si dhe karakterin e saj unitar siç parashikohet në Kushtetutën tonë”.
“Ne do të vazhdojmë të jemi konstruktivë, të jemi të hapur, të jemi kreativë dhe të bëjmë kompromise kur është e nevojshme, por asnjëherë në atë mënyrë që do ta bënte Kosovën një shtet jofunksional. Kjo është vija e kuqe”, tha presidentja Vjosa Osmani. /Klankosova/
Aaaa tani na doli fjala KOMPROMISE .
Po ju thonit se nuk ka asnje dialog me Serbine pa kerkuar ata falje per krimet ne Kosove.
Kurse tani paska shkuar puna deri deri ne ate pike sa po permenden ‘ KOMPROMISET ‘ ?
Edhe shkembimi i teritoreve kompromis ishte , por ata qe e mendonin nje gje te tille ju i etiketuat si antishqiptare , antikombetare , te shitur te serbi etj etj etj .
Ska gje , do mesoni dhe ju ( ti dhe Albini ) se si behet politika.
Me mire vone se kurre thote populli.