Tërmeti i magnitudës 4.7 i shkallës Rihter, i cili ndodhi në orën 22:37 minuta të mbrëmjes të së dielës, është pasuar nga pasgoditje me magnitudë më të ulët.
Sipas Institutit të Gjeoshkencave, epiqendra e tërmetit ishte 3 kilometra në jug të Klosit, mbrapa Malit të Dajtit. Lëkundjet janë ndjerë më së shumti në Dibër, Tiranë, Durrës dhe Lezhë.
Në kryeqytet qytetarë të shumtë dolën nga banesat e tyre. Për pak minutash qendra e kryeqytetit u popullua nga automjete të shumta.