Finlanda do të bëhet sot anëtari i 31-të i NATO-s, duke e zgjeruar kufirin e Rusisë me aleancën me 810 milje.
Rusia ka thënë se do të forcojë kapacitetin e saj ushtarak në rajonet perëndimore dhe veriperëndimore, njoftoi agjencia shtetërore e lajmeve RIA.
Kur pushtoi Ukrainën, Moska tha se masa ishte pjesërisht në përgjigje të zgjerimit agresiv të NATO-s, megjithatë ishte pushtimi që e shtyu Finlandën të aplikonte për anëtarësim.
RIA citoi zëvendësministrin e Jashtëm Alexander Grushko të ketë thënë: “Në rast se forcat dhe burimet e anëtarëve të tjerë të NATO-s vendosen në Finlandë, ne do të ndërmarrim hapa shtesë për të garantuar me siguri sigurinë ushtarake të Rusisë”.
Aleanca do të mirëpresë Finlandën në një ceremoni të ngritjes së flamurit në selinë e saj pranë Brukselit.
Shefi i NATO-s, Jens Stoltenberg ka thënë se Ukraina do t’i bashkohet aleancës sapo të fitojë luftën.
Grupi operon një pakt mbrojtës kolektiv, që do të thotë se një sulm ndaj një anëtari konsiderohet si një sulm ndaj të gjithëve.
Finlandezet nje popull i deshmuar luftarak,edhe me luftarak se ukrainasit bile, megjithese popullsine e kane shumefish me te vogel. Hajde urime Finlanda. Prej sot ,jeni me te sigurte, dhe NATO me e forte. Keq qe s’ju bashkua edhe Suedia sot, por do bashkohet me vone, bashke me Kosoven.