Në fund të Juventus-Inter të mbyllur 1-1 ndodhi gjithcka. Bremer preku topin me dorë, Lukaku shënoi me penallti, pastaj 3 kartonë të kuq. Belgu, Cuadrado e Handanovic u ndëshkuan me lojën të mbaruar, por situata u agravua nga festimi i Lukaku pas golit. Cështja është se sulmuesi ishte bërë shënjestër e fyerjeve raciste e për këtë arsye reagoi ashtu. Romelu thyen heshtjen të nesërmen e ndeshjes: “Historia përsëritet – shkroi sulmuesi belg në Instagram -. E kalova në 2019 dhe tani përsëri në 2023. Shpresoj që Lega të marrë masa serioze këtë herë, sepse këtë sport të mrekullueshëm duhet ta shijojnë të gjithë. Faleminderit për mesazhet e mbështetjes dhe ‘ik q*u racizmit'”.
View this post on Instagram
Në mesazhin e tij Big Rom i referohet një episodi shumë të ngjashëm me atë në Stadium. Atëherë ndodhi në javën e dytë të kampionatit 2019/20. Luhej Cagliari-Inter dhe madje edhe në atë rast më parë ranë mbi të fyerje dhe ulërima raciste pas një penalltie të realizuar prej tij. Ai gol fiksoi rezultatin në 1-2 për zikaltërit. Në atë kohë gjykatësi sportiv, pavarësisht një hetimi plotësues të kërkuar nga prokurori federal, vendosi të mos sanksionojë klubin sard.
Lexo më tej: Video/ Lukaku penallti e karton i kuq në shtesë: Inter barazon me Juventus pastaj plas sherri, tre kartonë të kuq
VIDEO
Në videon e mëposhtme janë momentet e fundit të Juve-Inter, ndeshja e parë gjysmëfinale e Kupës së Italisë. Romelu Lukaku sapo ka shënuar penalltinë e barazimit 1-1 dhe është përjashtuar nga arbitri për festimin e e tij në drejtim të tifozëve të Juventus. Në fushë shpërtheu një trazirë, ndërsa nga tribuna në adresë të belgut mbërritën ofendime raciste dhe britma majmunësh.