Milan, i ndryshuar në formacionin titullar nga Pioli, barazoi 1-1 në Bologna. Kuqezinjtë avancojnë kështu me një ritëm të ngadaltë në garën për një vend në Champions: “Performanca ishte, por ne nuk duhej të pësonim një gol në atë mënyrë – komentoi trajneri në fund të ndeshjes -. Shpenzuam energji, por më pas bëmë një paraqitje të mirë. Na mungonte precizioni në realizimin e rasteve që patëm, pastaj ishim të pafat në episodet e arbitrimit”.
Milan luajti me 10 titullarë ndryshe nga zakonisht: “Ndeshjen e bëmë ne të gjithën, por padyshim që nuk mund të jemi të lumtur. Sepse nuk mund t’i lejojmë vetes të humbasim terren”. Për penalltitë e pretenduara nga kuqezinjtë: “Të dyja ishin, dinamika e faullit me dorë të thotë se është penallti. Krahu ishte i hapur. Na vjen keq sepse bëmë gjithçka për të fituar dhe nuk ia dolëm”.
“Ne provuam disa situata duke menduar se Bolonja ishte më agresive dhe në vend të kësaj nuk ishte – vazhdoi Pioli për Dazn -. Ne zhvilluam mirë shumë situata, por më pas nuk ishim të saktë në veprimin e fundit. Nga ndeshja e bërë nuk më pëlqeu vetëm goli i pësuar sepse e kemi vënë veten në vështirësi. Nuk duhet të mbroheshim ashtu”.
KTHIMI I CHAMPIONS
Në horizont, rikthimi i Champions League ndaj Napolit, nisur nga barazimi 1-0 në San Siro: “Diçka mund të më rrotullohet në kokë për të ndryshuar diçka për të mbrojtur avantazhin e vogël. Nëse kundërshtarët të sulmojnë shumë, mund të studiojmë pozicione të ndryshme për të pasur disa avantazhe. Në Meazza ishte një ndeshje e luajtur shumë mirë nga të dy ekipet. Me disa vështirësi, por edhe zgjidhje, për të vënë në vështirësi kundërshtarët”.
Lexo më tej: Zinxhiri dysh e efekti Diaz: ja armët me të cilat Milan mposhti Napolin
TURNOVERI I MADH
Për ndryshimet e mëdha në formacion: “Një trajner duhet të vlerësojë shumë situata. E këtë vit ne kemi paguar shumë për angazhimet tona në Champions League. Të luash tre ndeshje në gjashtë ditë është vërtet e vështirë, veçanërisht ato që janë kaq të rëndësishme. Zgjodha t’u jap hapësirë lojtarëve me më shumë energji fizike dhe mendore, duke i lënë pak pushim titullarëve të mundshëm në kupë. Nuk kanë kaluar as 72 orë nga ndeshja e parë. Këtë nuk duhet ta harrojmë dhe pastaj kam një grup të fortë që tregoi cilësi sot”.