Një blic në fund për të thyer mbrojtjen e Juventus dhe për të sjellë në shtëpi 3 pikë të çmuara për Napolin. Një veprim i firmosur nga dyshja e paprecedentë Elmas-Raspadori, të dy zëvendësues në pjesën e dytë. Krosimi i maqedonasit nga e djathta e goditja e italianit nën këmbët e Szczesny kapitulluan bardhezinjtë. Pikërisht mesfushori, autori i asistit të fitores ka folur në mikrofonat e Radio KissKiss Napoli. Elmas i është rikthyer ndeshjes së luajtur të dielën në Torino dhe ka zbuluar “borxhin” që i ka golashënuesi.
“Të dielën ishte një ndeshje perfekte – tha Elmas – unë hyra në kohën e duhur. Por edhe ata që ishin në fushë më herët bënë një ndeshje të mirë. Goli? Ishte e bukur që u ndërtua nga ne të tre që kishim hyrë si zëvendësues. Pastaj është normale që ne festuam në stadiumin e Juves sepse e dimë se sa e vështirë ishte të fitonim atje dhe sa e rëndësishme ishte për ne. Sezoni im? Për mua është normal”. Më pas për pritjen shumë të ngrohtë të tifozëve napolitan pas kthimit nga Torino: “Nuk e prisnim, sepse vij nga Fenerbahçe por nuk prisja kaq shumë”.
Mesfushori maqedonas foli më pas për golin në Allianz Stadium që vendosi Juve-Napoli. Elmas ka zbuluar edhe një borxh të veçantë që Raspadori i ka tani: “Kur Zielinski më kaloi topin, pashë që Victor ishte përpara dhe pastaj Jack priste të merrte asistin tim”, tha mesfushori që më pas shpjegoi: “Kam vënë një bast me Jack para ndeshjes. I thashë ‘Nëse të jap një asist dhe ti shënon gol, do të më japësh 500 euro’. Por Jack ende nuk m’i ka dhënë paratë,” qeshi ai.