Si çdo vit, populli granata dhe i gjithë qyteti i Torinos bashkohen më 4 maj për të kujtuar kampionët e Grande Torino. Futbollistët që mbetën viktimë e rrëzimit tragjik të avionit në kodrën Superga. Homazhe në ditën e 74-vjetorit të tragjedisë ka bërë edhe presidenti i Toros, Urbano Cairo. “Po flasim për maja absolutisht të jashtëzakonshme. Ne jemi këtu jo për të bërë krahasime. Por për të kujtuar burrat që humbën jetën në moshë shumë të re dhe njerëz që bënë historinë e futbollit – deklaroi ai në Varrezat Monumentale –. I kanë cilësuar si të Pamposhturit për këtë arsye. Kujtojmë gjithashtu se kombëtarja italiane reshtoi dhjetë lojtarë të Torinos në kohën e Grande Torino dhe një të njëmbëdhjetë. Ishin diçka unike. Shembulli që ata dhanë duhet të mbetet në sytë dhe mendjet e të gjithëve dhe të bëhet udhërrëfyes. Megjithatë, gjëja e rëndësishme sot është të kujtojmë njerëzit. Njerëzit që na lanë shumë të rinj, por bënë diçka kaq të rëndësishme saqë 74 vjet më vonë ne jemi ende këtu për t’i kujtuar”.
4 maggio 1949 – 4 maggio 2023
Il Grande Torino, Orgoglio d’Italia𝘎𝘭𝘪 𝘦𝘳𝘰𝘪 𝘴𝘰𝘯𝘰 𝘴𝘦𝘮𝘱𝘳𝘦 𝘪𝘮𝘮𝘰𝘳𝘵𝘢𝘭𝘪 𝘢𝘨𝘭𝘪 𝘰𝘤𝘤𝘩𝘪 𝘥𝘪 𝘤𝘩𝘪 𝘪𝘯 𝘦𝘴𝘴𝘪 𝘤𝘳𝘦𝘥𝘦. pic.twitter.com/ciaB8JQefh
— Torino Football Club (@TorinoFC_1906) May 4, 2023
TRAGJEDIA
Ishte data 4 maj 1949 kur, pas një ndeshjeje miqësore në Lisbonë me Benfica, avioni që po sillte në shtëpi Grande Torino, u rrëzua në kodrën Superga. 31 persona humbën jetën dhe Italia papritur e gjeti veten duke vajtuar për një nga skuadrat më të forta të të gjitha kohërave. Një skuadër unike e aftë të fitonte 5 tituj radhazi në vitet 1940 dhe që alternohej mes fanellave të kaltra dhe granata. Kështu, sepse pothuajse të gjithë lojtarët e asaj Torino luanin gjithashtu për ekipin kombëtar.
Il 4 maggio 1949, 74 anni fa, nella tragedia di Superga se ne andava il #GrandeTorino. Juventus Football Club si unisce al ricordo.
— JuventusFC (@juventusfc) May 4, 2023