Ivan Zazzaroni ka hedhur bombën e merkatos që i bën të dridhen të gjithë verdhekuqtë. José Mourinho dhe Roma do të ndajnë rrugët në fund të sezonit, siç zbuloi drejtori i Corriere dello Sport. Në sfond të lamtumirës së mundshme janë fërkimet me pronarët amerikanë Friedkin.
José Mourinho dhe Roma mund t’i thonë lamtumirë njëri-tjetrit në fund të sezonit. Shpërthimi i portugezit pas barazimit ndaj Monzës nuk është pëlqyer nga drejtuesit. Friedkin madje as nuk u pozicionuan për lajmin e një dënimi të mundshëm të trajnerit për shkak të mikrofonit të mbajtur në pankinë. Ivan Zazzaroni ka menduar t’i hedhë benzinë zjarrit gjatë transmetimit radiofonik të Deejay Football Club: “Është zyrtare, Mourinho nuk do të jetë më trajner i Romës sezonin e ardhshëm”.
Lexo më tej: Cinizmi i Mourinho hesht Ulivierin: “U kritikova për etikën nga një i dënuar për 3 vjet për trukime”
MOTIVET E LAMTUMIRËS
Zazzaroni shpjegoi se cilat janë arsyet që do ta shtyjnë portugezin të thotë lamtumirë: “Kanë ndodhur gjëra me klubin dhe ata kanë treguar se nuk duan të luftojnë për të. Friedkin nuk flasin, por nëse ndodh diçka, atëherë gjërat janë keq. Nëse dikush në shoqëri thotë se Friedkin nuk e duan Mourinhon, atëherë do të thotë se ata janë njerëz të rrezikshëm”.