Në orët e fundit kanë qarkulluar zëra për një rikthim hipotetik të Michel Platini te Juventus në rolin e drejtuesit të lartë. Francezi 67-vjeçar ka thënë fjalën e tij për këtë skenar hipotetik. Platini me bardhezinjtë fitoi dy tituj kampion, një Kupë Kampionesh, një Superkupë Europiane, një Kupë Kupash dhe një Kupë Interkontinentale. Kjo natyrisht përveç 3 Topave të Artë të fituar nga viti 1983 deri në ’85,
Sot, Platini mori pjesë në një aktivitet të organizuar nga Fondacioni Vialli dhe Mauro, të mbajtur në klubin e golfit Barlassina (provinca e Monza dhe Brianza). Në vigjilje të ngjarjes, ish-presidenti i UEFA-s dhe ish-lojtari i Juventus foli për një rikthim hipotetik te Juventus si trajner: “Nuk mendoj kështu, historitë e dashurisë nuk jetohen dy herë. Ka pak mundësi”. Një frazë që me shumë mundësi e mbyll përfundimisht aludimin për rikthimin e tij në Torino.
Lexo më tej: Igli Tare, drejtori i ri sportiv i Juventus: sponsori i shqiptarit është Luciano Moggi
Më pas, për thirrjet raciste kundër Lukaku dhe Vlahovic: “Nuk e kanë fajin lojtarët, por ata që shajnë”. Platini ka komentuar edhe kartonin e verdhë për serbin. Vlahovic u konsiderua fajtor se festoi duke heshtur koret e tifozëve të Atalantës: “Ne i njohim arbitrat, kjo është një zonë e çuditshme”.