Shoqata e arbitrave të futbollit të nivelit më të lartë të Anglisë deklaroi se ishte “në dijeni të videove që qarkullonin në mediat sociale. Ato që tregonin Anthony Taylor dhe familjen e tij duke u keqtrajtuar në aeroportin e Budapestit. Ne jemi të tmerruar nga abuzimi i pajustifikuar dhe i neveritshëm ndaj Anthony dhe familjes së tij. E gjitha ndërsa përpiqen të kthehen në shtëpi pasi drejtoi finalen e Europa League. Ne do të vazhdojmë të ofrojmë mbështetjen tonë të plotë për Anthony dhe familjen e tij.”
Në video, Taylor dhe familja e tij shihen duke u shoqëruar nga siguria në aeroportin e Budapestit. Disa tifozë të indinjuar të Romës e ofenduan arbitrin anglez dhe hodhën një karrige në drejtim të tij. UEFA është ende në pritje të raportit të arbitrit të ndeshjes. Ka mbërritur ndërkohë edhe pozicionimi i Premier League: “Ne jemi të tronditur dhe të tmerruar nga sulmi i papranueshëm ndaj Anthony Taylor dhe familjes së tij ndërsa ata ktheheshin nga finalja e Europa League. Askush nuk duhet të vuajë sjelljen e pafalshme që ai është dashur të durojë. Anthony është një nga zyrtarët tanë të ndeshjes më me përvojë dhe më të vendosur. E ne e mbështesim plotësisht atë dhe familjen e tij”.
We are shocked and appalled by the unacceptable abuse directed at Anthony Taylor and his family as they travelled back from the UEFA Europa League Final.
No one should have to suffer the inexcusable behaviour they had to endure yesterday.
Anthony is one of our most experienced…
— Premier League (@premierleague) June 2, 2023
NDALOHEN DY TIFOZË TË ROMËS
Pas sulmit ndaj arbitrit Anthony Taylor nga disa tifozë të Romës në aeroport, policia hungareze arrestoi dy prej tyre. Njëri nga tifozët verdhekuq është liruar pas marrjes në pyetje sot. Ndërsa i dyti do të mbahet deri të hënën.
Anthony Taylor, referee of the Europa League final,attacked at the Budapest airport.
Someway.🤦♂️pic.twitter.com/PFBk8kgdM1
— George Addo Jnr (@addojunr) June 1, 2023