Minuta tmerri gjatë finales së FA Cup për femra mes Arsenal dhe Chelsea, kur 24-vjeçarja norvegjeze Frida Maanum, duke luajtur për Gunners, u rrëzua dhe ra në tokë befas, duke tronditur dhe frikësuar lojtaret e tjera. E asistuar menjëherë, asaj iu vendos një maskë e frymëmarrjes me oksigjen për rreth shtatë minuta, përpara se të nxirrej jashtë me barelë dhe të shtrohej në një spital lokal. Në vend të Maanum hyri Alessia Russo: ndeshja rifilloi dhe përfundoi me fitoren 1-0 të Arsenal me golin e Stina Blackstenius në minutën e 11′ të shtesës së dytë.
Momento de la caída de Frida Maanum y Momento entre Cuthbert y Jonás Eidevall pic.twitter.com/HfnBERUwee
— laura hang17 (@laurahang31705) March 31, 2024
Arsenal, më pas, lëshoi një deklaratë për të bërë të ditur se lojtari i tyre “është në një gjendje të qëndrueshme, flet dhe është e ndërgjegjshme. Situata e saj monitorohet vazhdimisht nga stafi ynë mjekësor”.
“Ishte shkatërruese ta shihje atë të përfundonte në tokë ashtu – ishte komenti i Russo -. Tani ne jemi pranë saj, dhe të gjithë po lutemi për të. E mendoj se ishte shkruar në yje se golin e fitores tona do ta shënonte shoqja e saj më e mirë (Blackstenius red.)”.