Jude Bellingham është zyrtarisht mesfushori i ri i Real Madrid. Marrëveshja mes klubit spanjoll dhe Borussia Dortmund është arritur dhe anglezi i lindur në vitin 2003 do të luajë në Bernabeu. Për ta bërë këtë, Blancos do të paguajnë 100 milionë euro plus 20 të tjera bonuse. Aprovimi i lojtarit ishte arritur tashmë disa kohë më parë. Në bazë ishte një kontrate gjashtëvjeçare me pagë 10-12 milionë euro neto në vit. Bellingham pritet në kryeqytetin spanjoll në ditët në vijim.
“Hej Jude, don’t be afraid…”. Mund të nisë kështu, duke cituar rastësisht Beatles, aventura në Spanjë e Jude Bellingham. Talenti i ri, por me eksperiencë ndërkombëtare e në xhiron e kombëtares, është blerë nga Real Madrid. Anglezi, bashkë me Tchuameni e Camavinga, do të formojë mesfushën e të ardhmes.
Lexo më tej: Hamann ul me këmbë në tokë Bellingham: “I duhet të ndryshojë sjellje nëse pretendon klube të mëdha”
Borussia Dortmund u dorëzua përpara insistimit të merengues, më i fortë dhe më bindës se ai i Liverpool. Klopp, mbi të gjitha, vuajti faktin se nuk do të luajë në Champions League sezonin e ardhshëm. E kështu Bellingham pritet në Madrid këtë javë për të kryer ekzaminimet e zakonshme mjekësore. Djaloshi do të nënshkruajë zyrtarisht kontratën deri në vitin 2029 me Real Madrid, në Bernabeu, shtëpia e tij e së ardhmes.
🆕 Presenting… #RMPlay!
▶️ The new streaming platform for #Madridistas!
📺 📲 💻 All of our best content… anytime, anywhere!
👉 https://t.co/okloflcWx8 pic.twitter.com/wlFcvGvHSa— Real Madrid C.F. 🇬🇧🇺🇸 (@realmadriden) June 7, 2023